Política Territorial resolve a primeira fase do concurso
de ideas para deseñar o Parador de Muxía
|
noticiasgalicia.-
A Consellería de Política Territorial, Obras Públicas e Transportes
resolveu a primeira fase do concurso internacional de ideas
para a construción do futuro parador de turismo de Muxía.
Dos 15 arquitectos ou equipos que se presentaron na primeira
fase, o xurado nunha reunión celebrada hoxe-, seleccionou
a cinco aspirantes que agora serán invitados a participar
na segunda fase do concurso:
- Aranguren & Gallegos Arquitectos,
- Equipo formado por Germán del Sol, Carlos Quintáns Eiras
e Carlos A. Pita Abad,
- Pereiro Arquitectos, SL.,
- Alfonso Penela Fernández,
- Equipo integrado por Alfredo Freixedo Alemparte, Juan M.
Crecente Maseda e José Luis Martínez Raido.
Os criterios de selección empregados e os méritos que se tiveron
en conta foron a súa capacidade, solvencia, experiencia, calidade
contrastada e premios obtidos no exercicio da súa profesión.
Queda así aberta a segunda fase do concurso que agora se abre
os cinco invitados deberán presentar un anteproxecto do edificio.
Os traballos presentados deberán cumprir coas indicacións
recollidas no proxecto sectorial aprobado polo Consello da
Xunta o pasado mes de novembro. Así mesmo, deberá prestarse
especial atención ás medidas sinaladas na Declaración de Impacto
Ambiental e, polo tanto, respectar os criterios de integración
paisaxística esixidos. De entre as cinco propostas o xurado
elixirá a mellor e encargará ao seu autor ou autores que elaboren
o proxecto do novo parador.
A Xunta de Galicia destina un total de 180.000 euros en premios
para este concurso de ideas de xeito que o autor do anteproxecto
gañador, ademais de ser o encargado de elaborar o proxecto
definitivo (por un importe de 400.000 euros) recibirá un premio
de 90.000 euros. Outorgaranse tamén premios de 60.000 euros
ao segundo clasificado e de 30.000 euros ao terceiro.
O xurado deste concurso está formado polo seu presidente (o
cargo de director xeral de Urbanismo), oito vogais (dous representantes
da Consellería de Política Territorial, dous representantes
da Consellería de Innovación e Industria, dous técnicos do
Ministerio de Industria, Comercio e Turismo, un representante
do Concello de Muxía e outro do Colexio Oficial de Arquitectos
de Galicia), un representante da Asesoría Xurídica Xeral da
Xunta de Galicia e outro da Intervención Xeral da Xunta. |
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
