Carta aberta ó Alcalde de Oleiros. Esquerda
Unida
O
alcalde de Oleiros di que votará polo PSOE ¿Está vostede,
señor alcalde, con esta declaración, facendo abertamente propaganda
electoral para ese partido político? Vostede di que vai votar
polo partido socialista "para que non entre ó PP,"
en definitiva señor alcalde, vostede vota con medo ¿Ou é que
o proxecto político socialdemócrata do PSOE é o seu mesmo
proxecto político? Qué triste democracia esta onde o rexedor
do meu pobo axeonllase ante as furnas facendo un chamamento
ao voto do medo, ao chamado "voto útil" ¿Útil para
qué, señor alcalde? ¿Útil para quén? ¿Qué pensará a señora
Covadonga Díaz? ¿Vai facer vostede campaña con ela? ¿Qué pensaran
os do PCTG (partido comunista das terras galegas) que lle
deron, a vostede, señor alcalde, o seu apoio nas últimas municipais?
Señor García Seoane, á dereita só podemos combatela con políticas
de esquerda ¿sabe vostede de que falo cando digo "esquerda"?
Privatizar servizos públicos, como vostede fai en Oleiros,
e do que se vangloria, é de dereitas.
Actuar por decreto (aínda que sexa perfectamente legal) saltándose
as decisións da maioría dos grupos municipais que rexeitaron
no pleno o proxecto do auditorio en Bastiagueiro, é de dereitas.
Facer contratos en fraude de lei aos traballadores, como se
fan neste concello, polo que a propia inspección de traballo
impuxo unha sanción, xa non é que sexa de dereitas, e que
é unha ilegalidade. "Coaccionar" nun pleno a unha
concelleira co fin de que mude o sentido do seu voto, é unha
actitude de dereitas. Difamar ao presidente do comité de empresa,
facendo políticas antisindicais, porque defende os dereitos
e intereses dos traballadores, é de dereitas. Facer de Oleiros
o barrio rico de A Coruña, cun urbanismo que non propicia
a cohesión social, e que consume inxentes cantidades de solo
(urbanismo de baixa densidade) é de dereitas. Utilizar os
medios de comunicación municipais (que son de todos) para
o beneficio do seu partido político, e de dereitas. E poderíamos
seguir.
Señor Alcalde, en consecuencia, ¿vai vostede pedir tamén o
voto para o PSOE nas próximas eleccións municipais para evitar
algunhas das políticas de dereita que o seu propio partido
político (AAVV) fai? Señor alcalde, as xentes de esquerdas
coma nós, Esquerda Unida-IU, somos os únicos que temos propostas
económicas que non pasan por la baixada de impostos directos
(aos que máis teñen), se non todo o contrario, porque os impostos
son necesarios para manter uns servizos públicos de calidade.
Que paguen máis os que máis teñen para que se beneficien os
que menos ten. Os únicos que non insultamos a intelixencia
dos cidadáns prometendo regalos de 400¤ a modo de esmola,
porque defendemos que os dereitos sociais nin se compran nin
se venden.
Os únicos que defendemos, que queremos o dereito universal
e subxectivo a vivenda. Os únicos que defendemos a xestión
pública dos servizos públicos para que estes non se convertan
nun negocio ou nunha forma de clientelismo político. Non se
preocupe, non teña medo, señor alcalde, aínda que non nos
vote tamén vostede se vai ver beneficiado, en tanto que cidadá,
porque nós con un grupo parlamentario forte, é dicir, cos
votos de miles e miles de persoas de esquerdas, seremos quen
de frear a dereita, a dereita do PP, por suposto, pero tamén
será o noso grupo parlamentario, Esquerda Unida-IU, quen obrigue
ao PSOE, no estado, a mirar cara a esquerda para facer políticas
verdadeiramente progresistas co fin de acadar unha sociedade
máis xusta. Unha sociedade xusta é aquela na que todos teñamos
as mesmas posibilidades reais de beneficiarnos da vida colectiva.
Finalmente dicir que todos os votos son útiles porque todos
suman, esa é a democracia, o único que hai que facer á hora
de emitir o voto é pensar cal é o proxecto político que defende
os intereses dos traballadores, dos cidadáns, de cada un de
nós, e, simplemente, votar por el. Por iso eu apelo ao voto
valente, ao voto rebelde, ao voto comprometido e coherente
co que un defende.
Eu, Almudena García Bravo, primeira candidata por EU-IU nas
últimas eleccións municipais en Oleiros, e candidata por EU-IU
nestas próximas eleccións xerais ao congreso dos deputados
pola provincia de A Coruña, pide o voto para a esquerda, para
a nosa formación política Esquerda Unida-IU Un cordial e respetuoso
saúdo
25/02/08
|
|
|
|
|
