O xornalista Nicolás Vidal gaña o Premio Anxel Fole Fundación Caixa Galicia

noticiasgalicia.09/05/08- O auditorio da sede da Fundación Caixa Galicia en Lugo (Praza de Santa María, s/n) acolleu a lectura do fallo do 22º Premio Anxel Fole, un dos máis prestixiosos galardóns literarios do país.

Organizado en colaboración co xornal lucense El Progreso, formaron parte do xurado deste ano Ramón Villares Paz, presidente Consello Cultura Galega; Xosé Ramón Veiga Alonso, profesor Historia Universidade de Santiago; José de Cora, director de El Progreso, e Sinesio Pérez Rodríguez, director da Fundación Caixa Galicia en Lugo. Coincidindo co cabodano do falecemento de Ánxel Fole, nas primeiras semanas de maio dase a coñecer o gañador dun premio que cada edición está dedicado a recuperar a figura dun intelectual da provincia.

O premio está dotado con 9.000 euros.