|
Caixa
Galicia organiza o Primeiro Congreso do Terceiro Sector de Galicia
Os
días 21 e 22 de xaneiro celébrase en Santiago o Primeiro
Congreso do Terceiro Sector de Galicia, organizado por Caixa Galicia
a través da súa Obra Social. O I Foro Socialia está
concibido como espazo de encontro e reflexión sobre o Terceiro
Sector no que se analizarán a realidade actual e os retos de
futuro aos que se enfrontan as ONLs, para así poder definir
estratexias de desenvolvemento conxuntas.
O Terceiro Sector de Galicia, como o do resto de España, está
a adquirir un protagonismo crecente. Aínda que existe unha
grande pluralidade e diversidade entre as organizacións que
o forman, moitas cuestións merecen unha reflexión conxunta:
a elevada dependencia dos fondos públicos, o reto da calidade,
a función social que desempeñan as asociacións
e fundacións, etc.
Un Comité Asesor no que participaron representantes de Asociacións,
Federacións e Fundacións, de distintos ámbitos
de actuación, seleccionou cinco temas clave de traballo:
• O papel do terceiro sector na sociedade do benestar.
• A cooperación entre asociacións.
• Retos dos órganos de dirección e xestión
das Organizacións Non Lucrativas (ONLs)
• O financiamento das ONLs
• A calidade nas ONLs
O día 21 de xaneiro unha Xornada Técnica reunirá
a expertos de ámbito nacional, representantes de organizacións
galegas con experiencias destacables, e persoal técnico das
ONLs e entidades públicas ou privadas relacionadas con elas,
para traballar conxuntamente en torno a cada unha das temáticas
seleccionadas e acordar un catálogo de recomendacións
de traballo futuro para o terceiro sector galego.
O sábado 22, en Xornada Aberta a todo o público interesado,
se presentarán as conclusións da investigación
promovida por Obra Social Caixa Galicia: "O Terceiro Sector en
Galicia: Definición, características e tendencias nos
albores do século XXI" por parte de seu director, o catedrático
de Socioloxía Víctor Pérez Díaz.
Ademáis, se exporán as conclusións dos grupos
de traballo reunidos na Xornada anterior e Tony Puig, ex director
de Proxecto Torre Jussana, unha iniciativa do Concellode Barcelona
que aglutina a todo o tecido asociativo da cidade, fará un
interesante exercicio de visión futura sobre o sector.
O I Foro Socialia é, sobre todo, espazo de participación.
Habilitouse un espazo web en www.socialia.org con información
detallada sobre o Congreso, os temas de traballo e os poñentes,
no que ademais, todas as persoas interesadas poden facer, xa desde
este momento, as súas aportacións para enriquecer o
debate. O Foro Virtual permanecerá activo ata o 15 de xaneiro.
revista de prensa. noticiasgalicia.com.
10/01/05 |
|
|
