|
Gadis
conmemra o día das letras galegas con accións para difundir a cultura
galega e o fomento da lecutura nos cativos
O director
de Comunicación de GADISA, Xosé Luis Fernández Astray, e o director
de Marketing, Antonio Cortés, presentaron hoxe as iniciativas de apoio
e difusión da literatura e cultura galegas que pon en marcha a empresa
coincidindo cá celebración do Día das Letras Galegas. Así, Supermercados
Gadis reparte dende o 6 de maio 4 millóns e medio de bolsas cun poema
impreso de Manuel Lugrís Freire, autor ó que se lle adica o 17 de
maio. Con esta iniciativa única en Galica, esta empresa galega faise
eco nun soporte da vida cotián, como son as bolsas, do poema ³Fragachán²,
un dos máis representativos da obra deste escritor e xornalista.
Co obxectivo de apoiar e difundir a cultura galega, GADISA fai chegar
un pedazo da obra de Manuel Lugrís ós clientes de tódolos seus establecimentos
da cadea de Supermercados Gadis en Galicia, convertindo en vehículo
cultural as bolsas. Asimesmo, para fomentar o hábito de lectura en
galego entre os máis pequenos, Supermercados Gadis repartirá 10.000
exemplares do relato corto ³Tomás o parvo² de Xosé Díaz Dopico, dirixido
a nenos entre 7 e 12 anos. Para conseguir un dos 10.000 libros de
³Tomás o parvo² só é necesario acercarse a calqueira dos establecimentos
da cadea de Supermercados Gadis de Galicia o 16 de maio e realizar
unha compra de calquera importe, ata fin de existencias.
O relato de Xosé Díaz Dopico, que tamén estivo presente no acto, é
a historia de superación persoal dun neno que, orfo de pai, vive coa
súa nai e seu avó cego, ó que coida e acompaña cando remata de axudar
á súa nai nas tarefas da finca onde traballan na Galicia dos anos
cincuenta. ³Tomás o parvo² ensínanos que valores como a tolerancia,
a responsabilidade social e o esforzo son fundamentais para o progreso.
Dada a boa acollida que tivo a iniciativa de regalar libros en anos
anteriores, Supermercados Gadis pon en marcha esta acción por cuarto
ano consecutivo. En anos pasados, regalou os contos ³Unha aventura
con historia², ³As travesuras de Antón² e ³Lula e a folla milagreira².
GADISA está consolidado como líder de distribución do Noroeste peninsular
con máis de 500.000 clientes que tódolos días visitan os seus 437
puntos de venta, que se reparten entre 190 Supermercados Gadis, 201
Claudio, 10 centros comerciais Haley, 12 Cash IFA e 24 establecimentos
San Luis. . .
noticiasgalicia.com. 11/05/06 |
|
|
