|
noticiasgalicia.- A concelleira
de Cultura e Educación, Eva Olmo, informou esta mañá do inicio da actividade
cultural para o mes de febreiro coa representación teatral da obra
"Hildegart" na Casa da Cultura. O pase celebrarase este venres,
ás 20,30 horas, e o prezo da entrada é de dous euros. Os veciños e
veciñas interesados en acudir á sesión poden mercalas na propia Casa
da Cultura, pola mañana de 9 a 14 horas e, pola tarde, de 17 a 20 horas.
"Hildegart" está pensada para un público maior de 12 anos
e recrea a historia da moza ferrolá do mesmo nome. O 9 de xuño de 1933
un crime convulsionou á opinión pública española.
Aurora Rodríguez Carballeira asasinou de catro tiros á súa filla mentras
esta durmía. A moza, de só 18 anos, era unha das mulleres máis destacadas
da recén nacida II República. Pero, ¿que se agocha detrás de aquelas
páxinas de sucesos? Tremoia, una compañía de teatro afecionado, responderá
a esta pregunta en Neda.
Visita escolar á Biblioteca Por outra banda, a concelleira de Cultura,
Eva Olmo, explicou que tamén o venres, pero pola mañá, desenvolverase
unha visita guiada polas instalacións da Biblioteca, que este mes cumpre
30 anos de vida, por parte dos estudantes do colexio Belén, de Ferrol.
A actividade enmárcase no programa de visitas que de forma estable
desenvolve o centro para fomentar a lectura e dar a coñecer este espazo
destacado. En torno a medio centenar de alumnos acudirán a Neda esa
xornada. A media mañá comezarán cun percorrido no que o bibliotecario,
Manuel Pérez Grueiro, invitaraos a viaxar por A cidade dos libros,
e rematará cun taller de contacontos e xogos de palabras nos que nenos
e nenas serán os principais protagonistas.
|
