O grupo
D'Nash, elixido pola cidadanía a través do sistema de Festas
Participativas, ofrece mañá un concerto gratuíto na praza
de España
|
noticiasgalicia.-
O grupo D´Nash ofrecerá MAÑÁ na praza de España un concerto
no marco das Festas de Verán programadas polo Concello de Ferrol.
Completamente gratuíto, dará comenzo ás 22.00 horas e tal e
como destacou esta mañá a concelleira de Festas, María López,
será a primeira das actuacións que acollerá a cidade das elixidas
este ano polos cidadáns e cidadás a través do sistema de Festas
Participativas -ocupou o terceiro lugar na listaxe de grupos
votados, detrás do grupo local El Viejo Caracol, que actuará
este venres-. Animación a pé de rúa e un espectáculo musical
infantil completarán a programación festiva de mañá. En canto
á xornada de HOXE, o acto central das festas será un Festival
de Hip-Hop, que se celebrará a partires das 20.00 horas na Praza
de España.
Tamén de entrada gratuíta. E pensando nos máis novos da casa,
regresarán ao Cantón de Molíns as atraccións de feira. Xa polo
miúdo, a edil María López informou de que serán catro grupos
emerxentes, 100% da comarca, os protagonistas desta actuación.
Un deles, Comando Parke, foi elixido o mellor grupo de hip-hop
independente deste ano 2010 e ao longo do verán ten programada
un xira que os levará por diversas cidades de Galicia, entre
elas, Ferrol. Formado no ano 2004 e integrado por Baf Alonzo
-un dos pioneiros do rap en Galicia-, Abi Rush e Chalo Rodríguez,
será a formación estrela do cartel. "Nuestras aceras",
"3 horas", "Instinto animal", "Mi juego",
"La Fe Cops", "Por nosotros" e "Cristales
y Resina" son os seus traballos discográficos, nos que
a oscuridade e o olor a rúa constitúen o seu sinal de identidade.
Xunto a Comando Parke subirán ao escenario da Praza de España
outras tres formación de hip-hop: Opone Show, Cheyo ft Koston
e Sask Grj. Tamén ás 20.00 horas haberá un novo espectáculo
musical, nesta ocasión na praza de Amboaxe e terá como protagonista
a Cé, Orquestra Pantasma.
O cartel festivo de hoxe luns completarase coas atraccións infantís
de feira, pensadas para os máis pequenos da casa, que este mércores
poderán gozar da Hora Feliz (entrada gratuíta) entre as 16.30
e as 17.30 horas. Respecto ao cartel festivo de MAÑÁ, MARTES,
a actuación estelar virá da man de D'Nash, agrupación constituída
no ano 2005 que fixo o seu debú co disco "Capaz de todo",
pero que alcanzou a súa fama principalmente pola súa participación
no festival de Eurovisión de 2007, cando representaron a España
co tema ³I love you mi vida". O seu segundo álbum, "Todo
va a cambiar", saíu en decembro de 2007, sendo o seu primeiro
single a canción titulada "Amanda", unha adaptación
en español do tema do sueco Jimmy Janson, escrito polo mesmo
compositor de "I love you mi vida".
Actualmente este grupo vocal que naceu como un cuarteto está
constituído, tras a marcha de Ony, un dos seus compoñentes iniciais,
por Basty (Esteban Piñero), Mikel (Miguel Hennet Sotomayor)
e Javi (Francisco Javier Álvarez). Así mesmo, María López destacou
a celebración, mañá, do espectáculo musical infantil "Elixir
máxico", que representará na praza de Armas Troula Animación.
Será a partires das 20.00 horas.
Unha hora máis tarde, ás 21.00, esta mesma agrupación percorrerá
as rúas do centro de Ferrol co pasarrúas ³A invasión pirata².
Partirá da Praza de España e realizará un percorrido que os
levará polas rúas Real, praza de Armas, Dolores, Amboaxe, Real,
Armas, Terra, Cantón de Molíns, Manuel de Cal, Carme e Dolores,
para finalizar na Praza de España-.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
