A votación
popular para elixir os concertos das Festas sitúa a Chenoa
e Dnash como primeiras opcións
|
noticiasgalicia.-
Os cidadáns e cidadás están a respostar á posibilidade que ofrece,
por segundo ano consecutivo, o Concello de Ferrol para facelos
partícipes na elaboración do programa das Festas de Verán e
nesto senso son xa preto de 300 as persoas que fixeron chegar
as súas propostas á Concellería de Festas. Asi o avanzou esta
mañá a concelleira de Festas, María López, quen informou de
que, atendendo ás solicitudes realizadas desde a apertura do
prazo de presentación, o pasado 3 de marzo, a artista Chenoa
encabeza o ránking de peticións formuladas pola cidadanía a
través da iniciativa "Festas participativas", para
a cal se habilitou un enderezo electrónico (concertos@ferrol.es).
Unha iniciativa posta en marcha pola Administración local para
avanzar un paso máis na participación cidadá e permitir a elaboración
dun programa de actuacións á medida dos gustos e preferencias
dos propios veciños e veciñas. Ata o momento, segundo subliñou
a edil María López, arredor de 300 internautas presentaron un
total de 85 propostas de concertos diferentes, entre os que
se atopan grupos de moi diversos estilos: dende o heavy e o
rock ata a música de cantautor, pasando polo pop, folk ou música
de rondallas. Esta variedade pode aínda aumentar, toda vez que
tal e como lembrou a responsable de Festas, o prazo para enviar
suxestións permanece aberto ata o vindeiro 17 de marzo, cando
por necesidades de planificación e, especialmente de contratación,
pecharase o enderezo electrónico.
Teranse en conta as preferencias que acaden o primeiro e segundo
posto e que sexan asumibles para a Administración local desde
o punto de vista económico. Ademais, como condición figura o
feito de que os ditos grupos deben estar de xira este ano. Xa
polo miúdo, a edil María López avanzou que a artista Chenoa
sitúase no primeiro posto de peticións. Tras o seu paso polo
programa de televisión Operación Triunfo publicou o seu primeiro
disco, "Chenoa", do que vendeu preto de 500.000 copias.
Pouco despois púxose á venda en edición limitada "Mis canciones
favoritas", un disco intimista que se converteu en disco
de ouro en só dúas semanas. En outubro de 2003 lanza "Soy
mujer", o disco que definitivamente a consagrou como unha
das grandes artistas femininas do país, debutando no número
1 da lista de vendas. "Nada es igual", publicado en
novembro de 2005, supuxo un cambio na súa carreira profesional
acadando o disco de platino ao pouco do seu lanzamento. No 2007
editou "Absurda cenicienta!" e "Desafiando la
gravedad" é o seu último traballo, o sexto, gravado e producido
en Miami. A continuación sitúanse D`Nash, agrupación que fixo
o seu debú co disco "Capaz de todo" e que alcanzou
a súa fama principalmente pola súa participación no festival
de Eurovisión de 2007, cando representaron a España co tema
"I love you mi vida". O seu segundo álbum, "Todo
va a cambiar", foi lanzado en decembro de 2007.
En terceira posición en canto ao número de votos rexistrados
ata o momento atópase o cantautor e compositor cubano Silvio
Rodríguez, con 25 discos no mercado. Expoñente característico
da música do seu país xurdida coa revolución cubana, é un dos
cantautores de maior trascendencia internacional. Na lista séguelle
a banda ourensá creada a finais dos anos 70 Los Suaves, unha
banda que ten rendido xa dende os seus inicios culto ao rock
and roll. Defínense como amantes e aférrimos seguidores del,
mais, alonxados de toda montaxe comercial e das modas musicais,
souberon gañarse a un público fiel.
A listaxe de propostas complétase con BNK, Tiziano Ferro, Chayanne,
Joaquín Sabina, Fito y los Fitipaldis, El viejo caracol, Miguel
Bosé ou Pereza. Pero a pesar de que o nome do enderezo incide
especialmente no apartado musical, a participación non está
limitada a este aspecto, dado que os cidadáns e cidadáns poden,
tal e como xa fixeron, presentar outro tipo de actividades a
realizar, como un festival para potenciar aos grupos locais
ou traer á cidade a unha orquestra. Así o avanzou a concelleira
de Festas, María López, quen animou aos cidadáns e cidadás a
seguir presentando as súas propostas. A este respecto, lembrou
que só é posible enviar un voto por dirección de correo e animou
á cidadanía a non deixar pasar a oportunidade de escoller eles
mesmos os grupos para os concertos do verán, iniciativa que
contribuirá de maneira decisiva a mellorar as festas, satisfacendo
aos seus veciños e veciñas e atraendo a máis xente de fóra da
cidade.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
