 |
noticiasgalicia.- A Casa da
Cultura de Neda acolleu esta mañá o primeiro obradoiro do ciclo Letras
Vivas, organizado conxuntamente entre Concello e Xunta de Galicia.
A edil de Educación e Cultura, Eva Olmo, sinalou que unhas dez mulleres
da localidade participaron na actividade, que impartiu a escritora
Eli Ríos.
Consistiu nun taller de técnicas literarias baseado nunha fórmula realmente
novidosa, xa que as participantes analizaron os procesos de creación
a través da elaboración de diferentes platos. Así, Eli Ríos descubriu
ás asistentes os recursos literarios nos procesos de creación a través
dos alimentos. Chegar á literatura a través da cociña. Provocar sensacións.
E, para isto, as participantes elaboraron e degustaron os seus propios
pratos valéndose dun microondas. A iniciativa enmarcouse na programación
cultural do Concello para o mes de febreiro, á súa vez centrada na
conmemoración dunha data moi especial: o 30 aniversario da Biblioteca
Municipal da localidade, un dos primeiros centros públicos de lectura
da comarca. Unha data que, tal e como lembrou esta mañá a edil Eva
Olmo, o Concello celebrará cun acto cidadá o próximo día 17, no que
se descubrirá unha praca conmemorativa e se entregarán libros aos asistentes.
|
