FESTA DA CERVEXA Precedentes ou lexislación pola porta de atrás AVV
FERROL VELLO
Desde a AVV FERROL VELLO queremos denunciar públicamente o pouco
respecto e a crecente irresponsabilidad que a concellería de
festas, xunto coa concellería de patrimonio (ao dictaminar un
informe favorable), están demostrando á hora de ceder durante
"10 días", un espazo "PÚBLICO" recientemente
urbanizado á vez que humanizado como é "A ALAMEDA DO CARBÓN"
a un empresario de hostelería, que motivado por un interese
meramente "LUCRATIVO" pretende realizar (co consiguiente
risco para toda a zona verde) unha festa da cervexa que ben
se podería converter nun Macro-Botellón de libro Guinness, pois
se prolongará durante os 10 días que dure as Festas de Ferrol.
Resúltanos provocador e ofensivo que a propia concellería de
festas intente comparar unhas atraccións de feira cunha cesión
"IRREGULAR" (non aparece na programación de festas)
dun espazo público cun fin meramente lucrativo. Deixando unha
porta aberta a todo aqueles "EMPRENDEDORES" que "EMBRIAGADOS"
pola alta rentabilidad, as vantaxes fiscais e un máis que evidente
beneficio empresarial, "MONOPOLICEN" os "ESPAZOS
PÚBLICOS" da nosa cidade, ou o que sería moito peor, deteriórenos
e inutilicen baixo o consentimento e a aprobación dunha administración
local permisiva e condescendiente. Sentar precedentes sempre
obriga a resolver novos casos.
21/08/09
|
|
|
|
|
