noticiasgalicia.-Partido Socialista e Bloque Nacionalista Galego rexeitaron unha moción presentada polo Partido Popular na que se demandaba o mantemento do servicio de teleasistencia a novos usuarios, dado que o servicio todavía non está sendo cuberto pola Vicepresidencia da Xunta de Galicia. Segundo explicou a deputada provincial do PP, Anxeles Vázquez Mejuto, a Deputación subscribe dende hai dez anos un convenio co Imserso e a Femp, e que permite ofrecer o servicio de Teleasistencia nos municipios da provincia de menos de 20.000 habitantes.

O PP propón que dito convenio se manteña en vigor na súa integridade ata que a Vicepresidencia da Xunta de Galicia poida garantizar de forma efectiva a prestación dese servicio, que na actualidade non se está a prestar aos novos demandantes, dados os problemas que están a xerarse na posta en marcha da nova Lei de Dependencia.

Segundo as explicacións ofrecidas pola deputada Ánxeles Vázquez, en decembro do pasado ano, Vicepresidencia comunicou aos concellos que as novas solicitudes do servicio de teleasistencia debían tramitarse a través deste departamento da Xunta de Galicia, sen que, ata o de agora, se teña dado resposta algunha a ningunha dos solicitantes, a pesar de ter transcurridos xa seis meses.