A Consellería de Cultura, Educación e Ordenación Universitaria porá en marcha este curso - en colaboración coa Axencia para a Modernización Tecnolóxica de Galicia- un novo proxecto de plataforma de contidos curriculares educativos dixitais, que se implantará neste 2014/2015 en 84 centros educativos de toda Galicia. En total recibíronse 90 solicitudes nunha convocatoria que foi un éxito entre os centros públicos, que representan o 90% dos proxectos presentados. Ademais, un de cada tres centros públicos Abalar de primaria va a ser beneficiarios do programa. No curso 2015/16 a previsión é que a plataforma estea dispoñible en 5ª e 6ª de primaria e 1º de ESO e que no terceiro ano do proxecto, no curso 2016/2017 sexa empregado estudantes de 5º e 6º de Primaria e 1º e 2º de ESO.
Cómpre sinalar, que o número de centros e estudantes participantes neste primeiro ano de implantación do proxecto supera amplamente a previsión inicial. Non en balde, estímase que a iniciativa chegará xa este próximo ano académico a 2.300 alumnas e alumnos de 5º de Primaria. O obxectivo é que este proxecto chegue a 22.500 alumnas e alumnos no período 2014-2017. Nesta plataforma as familias participantes no proxecto poderán ter os contidos curriculares dos seus fillos totalmente gratis.
Na plataforma de aprendizaxe virtual, os alumnos poderán acceder tanto de xeito online como off line a contidos curriculares completos e gratuítos para as familias facilitados pola Xunta como a aqueles elaborados polos propios docentes dos centros educativos. Ademais, esta nova ferramenta facilitará o acceso aos contidos de pago de empresas editoras gazas á conexión co Punto Neutro do Ministerio de Educación.
