|
Senén
Barro Ameneiro, reitor da Universidade de Santiago
"Galicia
precisa do impulso da investigación máis que outras rexións"
As universidades galegas deben incorporarse ao Espacio Europeo de
Educación Superior en condicións de competitividade desde o punto
de vista dos recursos humanos e das infraestructuras. Este será
un dos obxectivos fundamentais no reitor da Universidade de Santiago,
que ve no impulso da investigación un dos factores definitivos para
facer no transcurso de dous ou tres lustros unha sociedade galega
moi distinta da actual
Hoxe aproveitou para pedirlle cousas ao presidente da Xunta na
toma de posesión...
Dixen que non quería centrar o discurso nunha mera reivindicación,
pero si é verdade que dediquei unha parte do discurso a reflexionar
sobre a financiación e sobre a necesidade de avaliar neste momento
o plan de financiación vixente que, aínda que abrangue ata 2010,
incluso na súa redacción, ten cláusulas ou parágrafos que falan
da necesidade, por exemplo, de avaliar o que vai a supoñer como
custo adicional a entrada no Espacio Europeo de Educación Superior.
Polo tanto, houbo unha especie de agradecemento e de solicitude.
Agradecemento porque xa o propio presidente da Xunta trasladou a
vontade do Goberno galego de avaliar a aplicación do plan. Pero
tamén houbo unha reivindicación detrás, que é necesidade de que
a incorporación a dito espacio das universidades galegas se produza
en condicións de dignidade e de competitividade desde o punto de
vista dos recursos humanos e das infraestructuras. ¿Que
espera do Programa de Consolidación e Estructuración de Unidades
de Investigación anunciado hoxe por Pérez Touriño?
Ben, tamén falou da necesidade de impulsar os centros e institutos
de investigación e conformar unha estructura de investigación cada
vez máis potente e asentada dentro do ámbito galego. Particularmente,
fixo referencia a que eso, hoxe, na realidade galega, está sustentado
fundamentalmente polas universidades. Eu creo que esto é clave,
porque se non hai ese compromiso das institucións académicas e de
aposta económica e de infraestructuras por parte Xunta, non vamos
ter un tecido suficientemente asentado no ámbito da I+D+i. Eu diría
que Galicia necesita ese impulso máis que outras rexións que xa
están asentadas ou desenvolvidas.
Compromisos urxentes
Fala vostede de máis de 300 compromisos programáticos para desenvolver
nos catro anos de mandato, ¿cales son os máis urxentes?
Temos moitos, por exemplo os que van a supoñer un impulso, espero
que definitivo, para que a Facultade de Veterinaria e a súa titulación
supere no 2008 esa avaliación a que nos vai someter o conxunto de
centros de veterinarios de Europa. Falamos da necesidade de poñer
en marcha a Oficina de Igualde de Xénero ou de de impulsar sin descanso
o campus de Ciencias da Saúde. Falamos, en definitiva, de non desatender
os compromisos, de que hai aspectos que se van a encetar nestes
catro años, e para eso hai que poñer as primeiras pedras, digamos,
conceptuais, e facer aposta firme por eles.
Touriño aludiu tamén no seu discurso ao aopio á investigación,
¿virá por aí o revulsivo que precisa a universidade?
Efectivamente, aí creo que temos a principal aposta. En realidade
son dúas. Unha é o Espacio Europeo de Educación Superior, que se
queremos facelo ben non pode quedar nun mero proceso de redenominación
ou de reforma da oferta de títulos. E despois está a investigación.
Galicia ten neste momento un tecido de investigadores xa relativamente
importante, que nalgúns ámbitos ten o marchamo de excelente incluso
con carácter internacional. Noutros casos, a achega á significación
desa investigación e máis modesta ou está aínda encetándose. Pero
creo que estamos nese momento de eclosión onde, se hai unha aposta
firme por incorporar investigadores xoves, por ter máis e mellores
infraestructuras ou centros e institutos de investigación potentes
que se vaian convertido en referentes nacionais e internacionais,
creo que en dez ou quince anos, a sociedade galega, a través da
achega de investigación, vai ser moi distinta.
|
