|
Pepe
Araújo, concelleiro de Cultura do Partido Popular en Ourense:
"No
partido non me deron ningún tirón de orellas pola miña voda "
 |
E
político e nas súas máns están as actividades culturais que teñen
lugar na cidade de As Burgas. Pero hai uns meses que saiu do anonimato
ao ser o primeiro membro do Partido Popular que facía efectiva a
Lei de matrimonios homosexuais, ao casar coa súa parella.
Pepe Araújo, concelleiro de Cultura do PP en Ourense, foi o precursor,
pero hoxe xa non é o único. Trala voda dun militante 'popular' en
Madrid, a polémica volve a estar servida. No seu caso sentiuse "totalmente
respetado", pero a que máis pegas puxo foi a Igrexa. "Son os que
a están armando sen piedade", afirma Araújo.
Cúmprense tres meses dende a súa sonada voda. ¿Como acolleu a xente
de Ourense este enlace?
Na miña cidade non notei nada especial nin estrano. Todo segue igual
de ben que antes. Coido que o aceptaron ben, a verdade é que moi
ben.
¿Que lle pareceu o debate que se xerou a partir do seu enlace?
Creo que é un debate necesario, vivimos nunha sociedade que está
cambiando e é normal que existan este tipo de contradiccións: xente
que opina dunha maneira e xente que opina doutra. Nunha sociedade
que cambia permanentemente, é normal que algo habitual se convirta
nun debate. Eu non lle dei máis importancia ó que ocorreu.
¿Que opina de que esa polémica se volvera a repetir coa voda dun
militante do PP, casado por Alberto Ruíz Gallardón?
A verdade é que non estiven moi pendente do da voda, porque estiven
en León cun irmanamento entre un barrio de Ourense e un concello
leonés. Non puiden estar moi pendiente das noticias. O que si teño
claro é que me parece estupendo o que fixo este rapaz, que xa anunciara
a súa voda hai moitísimo tempo. Pareceme tamén moi ben que un alcalde
cumpla a lei e que case a unha parella. Porque ao final, na lei
está recoñecido que podes casar.
A máis crítica co enlace foi a Igrexa, ¿que lle parece?
Ao final son eles os que a están armando sen piedade. Vivimos nun
estado laico, no que a Igrexa ten que opinar do que ten que opinar.
Esta é unha cuestión civil, non relixiosa. Nese sentido a igrexa
non ten nada que dicir.
Tamén houbo importantes críticas dentro do propio Partido Popular...
O Partido Popular é un partido que abarca moitas formas de pensar,
hai nel xente que pensa de diferentes maneiras sobre todo neste
tema. Están aqueles cos que me sinto identificado, como Gallardón,
que é un alcalde e un político espectacular. E o perfil de político
que para min ten que ter o PP. Logo hai outros políticos máis conservadores.
Teño que dicir que con respecto a min, á miña persoa e á miña voda
nunca tiven ningún problema. Non me deron ningún tirón de orellas.
Sentinme totalmente respetado.
¿Que balance persoal fai da lei do matrimonio homosexual?
E unha lei necesaria, que ven a atender unha realidade social que
existe no mundo enteiro. Que a xente non é só heterosexual senón
tamén homosexual, que ten outra orientación e que debe ter o mesmo
amparo legal. Para mín é unha lei valente, unha lei necesaria.
¿Presentarase ás próximas eleccións municipais en Ourense?
Eso habería que preguntarllo ao candidato e ao propio partido. E
unha cuestión que non podo responder eu. O que si teño é a intención,
gústame moito o meu traballo e se o partido decide que debo ir na
lista e o candidato tamén, pois irei.
¿Canto tempo leva no mundo da política?
En política activa levo desde 2003, ocupando o cargo de concelleiro
de Cultura. En política, como militante, empecei aos 19 anos.
¿Pensou en dedicarse a outra cousa?
Si,desenvolvin outras actividades a nivel empresarial e traballo
por conta allea.
¿Como se presentan as súas vacacións de verán?
En principio ben. Collerei as miñas vacacións no mes de setembro
¿Que proxectos lle esperan á volta de vacacións?
En principio, traballar como sempre, e pouco máis. Preparar a programación
de nadal e o Festival de Cine de Ourense . Ese será o meu traballo
fundamental á volta das vacacións.
Lugar para perderse no verán?
Para mín, La Habana
|
