Jose Antonio Fontenla, Presidente da Confederación de Empresarios de Galicia

"Queremos representar o mellor posible ós empresarios e lograr ter un diálogo fluido coa Administración Autonómica"

Aldara Iglesias.- José Antonio Fontenla é o presidente e a voz da Confederación de Empresarios de Galicia (CEG) e está a cumplir o seu segundo mandato de catro anos nesta agrupación tras volver a ser elexido no ano 2005. Nunha entrevista concedida a Noticiasgalicia, Fontenla fai balance da súa actividade á fronte da Confederación e afirma que o seu obxectivo principal é o de exercer de ³interlocutor social² e "representar o mellor posible ó empresariado galego².       

¿Podería, a grandes rasgos, facer balance da súa xestión á fronte da Confederación? ¿Qué logros destacaría?       
Teño que dicir que collín a Confederación nunha situación caótica marcada pola desaparición de fondos e de papeleo vinculado á contabilidade. Actualmente atopámonos en pleno proceso xudicial en Santiago procurando solucionar esta situación. Tendo en conta esto, penso que o maior logro nos anos que levo presidindo a CEG é ter conseguido recuperar o noso papel como interlocutores sociais, que é o que precisa o colectivo empresarial galego.       

¿Cantas empresas se atopan actualmente na confederación? ¿Qué vantaxes lles aporta?       
As empresas coas que traballamos non teñen unha afiliación directa á CEG, senón que a súa implicación ven dada a través das catro confederacións provinciais e tamén as sectoriais, como poden ser os empresarios da construcción, do metal, os transportistasŠ Eu calculo que serán arredor dunhas 80.000 empresas, das cales unha serie delas pertencen ó "Consello asesor do presidente" e coas que nos reunimos periódicamente xunto con outras empresas de peso a nivel Galicia, Estado ou mundo para procurar que as pequenas e medianas empresas tamés teñan a súa voz en temas importantes para o empresariado.
      
¿Cales deben ser os obxectivos do colectivo empresarial galego e cómo contribúe a Confederación a construílos?       
Pois defender a liberdade de empresa, fundamentalmente, e traballamos fortemente neso a través da Confederación. Queremos representar o mellor posible ós empresarios e lograr ter un diálogo fluido coa Administración Autonómica. É importantísimo que se dean certas condicións socioeconómicas para que o colectivo empresarial vaia cara adiante.       

A confederación ten contacto con novos empresarios a través de cursos, prácticasŠ ¿cómo son esas experiencias?      
Dende a CEG queremos potenciar o autoemprego, darlles ós novos empresarios as claves para crear o seu propio negocio. As novas xeracións de empresarios veñen fortes e con ganas. Nós facilitámoslles os estudantes prácticas en empresas e intentamos que se valgan das súas propias iniciativas. MOitas empresas colaboran con nós desto, saben da importancia das ideas renovadas e xóvenes.      

¿Influiu dalgún xeito o cambio de goberno na confederación?       
A CEG é apartidista, o único que pretendemos é manter as mellores relacións institucionais posibles, indistintamente da cor que estea na Xunta. Ademais non debemos esquecer que o grupo que está nas cidade non non adoita ser o mesmo que o da Xunta ou o que hai a nivel estatal, de modo que as relacións coa Administración non cambian ainda que se de un cambio de goberno.       

¿Cales son as prioridades en canto a infraestructuras neste momento?       
A chegada do AVE é, fundamentalmente, o que vai cambiar os hábitos da vida empresarial galega, por fin seremos cidadáns de primeira. Outro reto pendente é a cuestióin de convertir moitas vías rápidas en autovías e queda tamén moito que solucionar en canto a portos.       

Falaba hai un par de días da importancia de rendabilizar o AVE e consolidar o turismo en Ourense, ¿cómo se atopa esta provincia a nivel empresarial na actualidade?     
Ourense é, sen dúbida, unha provincia moi mal comunicada co resto da comunidade que podería explotar moito máis este sector. Parécenos fundamental, neste senso, que se remate canto antes o eixo que a unirá con Lugo.       

Para o ano celébranse eleccións municipais, ¿é vostede dos que pensan que ano de eleccións, ano de licitación de obras?       
Por suposto; sempre que hai elccións, hai licitacións. Parte dos políticos pensan que se poden ir do poder e queren deixar as promesas electorais ben cumpridas.       

¿En que medida cre que a oleada de incendios pode afectar a actividade empresarial de certos sectores como servizos, ou o madereiro?              
Está claro que a economía galega se viu fortemente afectada pola vaga de incendios, sobre todo, para aqueles que traballan directamente coa madeira e cos que queda ainda moito que falar en canto indemnizacións. O sector turístico, foi o outro grande damnificado que que no verán houbo serias cancelacións de viaxes de senté que cambiou a última hora o seu destino ó ver cómo ardía Galicia. Os incendios deste ano en Galicia foron unha auténtica traxedia, é algo que non se pode volver a producir. Agora o que temos é que traballar por ter un monte competente, con plantacións modernas e que a xustiza bote man dura ós que prenden lume.