|
noticiasgalicia.- A comisaría
lucense alertou sobre unha nova campaña de estafas a través de internet
para a que se utiliza unha web que aparentemente pertence ao Corpo
Nacional de Policía.
Polo momento non se rexistraron denuncias por este timo, varios cidadáns
chamaron ao 091 tras detectar o engano. A estafa prodúcese cando o
usuario está a navegar por internet e comezan a abrirse multitude de
páxinas que non solicitou.
Nun momento dado, a navegación bloquéase e queda na pantalla unha fiestra
que aparentemente pertence á Policía.
Nesta web explícaselle ao internauta que o seu computador foi bloqueado
porque se detectou que, desde el, realizáronse actividades ilegais,
e ofréceselle a posibilidade de desbloquealo facendo un pago de cen
euros. A Policía de Lugo apunta que a web non pertence a ningún organismo
oficial e explican ademais as pautas a seguir para desbloquear o equipo.
|
