O BNG
esixe que o Goberno galego atenda ás afectadas na farude
de próteses mamarias
|
|
|
 |
noticiasgalicia.- A
portavoz de Sanidade do BNG, Ana Luísa Bouza presentou , en
rolda de prensa, unha Proposición non de lei pola que insta
ao Goberno galego a emprender medidas contra a fraude das
próteses mamarias procedentes de Francia fabricadas cun material
industrial, "non apto para o seu uso médico".
Bouza afirmou que o Goberno galego debe actuar "sen dilación"
ante o que considerou "unha crise de saúde" provocada
polos implantes de PIP denunciados polo Goberno francés pola
súa perigosidade. A parlamentaria explicou que, as próteses
autorizadas por Sanidade para seren utilizadas nas reconstrucións,
tras unha mastectomía e operacións de estética, foron utilizadas
no Estado español e Galiza descoñecéndose o número exacto
de mulleres afectadas aínda que os últimos datos xa falan
de 35.000.
Sanidade no se pronunciou
A conselleira de Sanidade en Galiza, engadiu, "non se
ten definido sobre a súa actuación neste grupo de mulleres"
por iso, dende o BNG, consideramos que era "urxente presentar
unha iniciativa² ao fin de ofrecer unha información transparente
sobre esta cuestión así como emprender medidas para atender
as mulleres afectadas. Bouza considerou que o Goberno galego
debe utilizar aos medios de comunicación pública para "cortar
a alarma² creada por esta fraude e informar, a maiores, "das
alternativas".
Falta de información
Ante a falta de información de moitas das mulleres intervidas
sobre o tipo de prótese que se lles implantou, a parlamentaria
reclamou que o Goberno galego posibilite "unha exploración
dende a Sanidade Pública" de todas aquelas mulleres que
o soliciten, sen "distingos", ben como consecuencia
dunha mastectomía, ben por razóns estéticas, porque na súa
opinión- "a administración galega é responsable de autorizar
as próteses fraudulentas".
Retirada de próteses a cargo da Seguridade Social
A nacionalista avanzou que o BNG defenderá a retirada das
próteses e no seu caso a súa substitución a cargo da prestación
sanitaria pública debendo primar sempre o criterio médico
e clínico fronte ao moral ou economicista, tanto para as intervencións
por un cancro de mama ou estética, dixo, ou as realizadas
na Sanidade pública ou privada.
Esta actuación suporía as substitucións de próteses a cargo
da Sanidade pública, polo que aconsellou que se abra unha
liña para que o custo das intervencións recaían nos "terceiros
obrigados ao pago e fundamentalmente na empresa que produciu
o fraude". Finalmente, a nacionalista anunciou que a
Fiscalía de Valencia iniciou accións contra os responsables
desta fraude e animou as administración galega e do Estado
a sumarse a iniciativa no ámbito xudicial.
|
| |
|
|
|
|
|
|
|
