O CPXG
expresa a súa fonda preocupación polo futuro dos medios
públicos
|
|
|
noticiasgalicia.-
O Colexio Profesional de Xornalistas de Galicia
(CPXG), por mandato da súa XI asemblea, expresa a súa fonda
preocupación polo futuro dos medios públicos, ante propostas
que se están barallando no debate público como a privatización
das televisións autonómicas ou os recortes orzamentarios na
RTVE.
O CPXG entende que os medios públicos teñen unha función social
e mesmo democrático na que deben contribuír a garantir o dereito
dos cidadáns a recibiren unha información plural, veraz e
independente, allea a condicionantes económicos ou de grupos
de presión.
O Colexio fai un especial chamamento á defensa da CRTVG como
medio público e galego, que ten nestas características a súa
razón de ser: o uso e defensa da lingua e cultura propias
do país. Calquera desviación deste enfoque fundacional cuestiona
a esencia da CRTVG. A compañía ten ademais unha función económica
como elemento dinamizador do sector audiovisual e de creación
de postos de traballo.
E é percibida polos cidadáns como a súa radio e a súa televisión.
Para o Colexio de Xornalistas, a mellor achega a estes obxectivos
que pode facer o Consello de Administración da CRTVG é a profesionalización
dos seus membros e a súa implicación na defensa duns medios
públicos, galegos e de calidade. O CPXG celebrou hoxe a súa
XI Asemblea na Faculdade de Ciencias da Comunicación da Universidade
de Santiago.
|
| |
|
|
|
|
|
|
|
