O buque "Irmáns García Nodal" de gardacostas
acompaña a un boniteiro vasco que regresa a porto por
unha vía de auga
|
noticiasgalicia.-
O buque de apoio "Irmáns García Nodal" do Servizo
de Gardacostas, dependente da Consellería de Pesca e Asuntos
Marítimos, está acompañando ao boniteiro vasco "Mariñel",
que participaba na Costeira do Bonito e se viu obrigado a regresar
a porto despois de sufrir unha vía de auga a 75 millas ao Suroeste
de Irlanda.
O "Irmáns García Nodal" navega pegado ao pesqueiro
con porto base na localidade de Hondarribia e está previsto
que, sobre as 15 horas de hoxe, as dúas embarcacións se atopen
cun remolcador a 360 millas desa localidade vasca, a onde o
barco chegará previsiblemente na madrugada do vindeiro xoves.
Os feitos remóntanse á xornada de onte a mediodía, cando o buque
de Gardacostas foi informado de que o ³Mariñel² sufrira unha
vía de auga que, se ben lle permitía seguir navegando, o obrigaba
a regresar a terra anticipadamente. Por precaución, o Goberno
vasco púxose en contacto coa Subdirección Xeral de Gardacostas
de Galicia solicitando o apoio do "Irmáns García Nodal"
mentres o pesqueiro non se atopara cun remolcador enviado polo
devandito Executivo.
Deste xeito, unha vez remate o acompañamento ao "Mariñel",
o buque de apoio da Consellería de Pesca regresará aos caladoiros
onde continúan faenando outros pesqueiros adicados á captura
de bonito para seguir prestándolles a asistencia necesaria ata
finais deste mes.
A Administración pesqueira galega apoia habitualmente á frota
que participa na Costeira do Bonito con medios do Servizo de
Gardacostas, concretamente a través dos buques "Sebastián
de Ocampo" e "Irmáns García Nodal", que viaxan
xunto cos pesqueiros aos caladoiros do túnido. O obxectivo da
súa presenza é prestar apoio e asistencia á frota boniteira,
comprobar que as embarcacións autorizadas para a pesca cumpren
coa normativa vixente e cerciorarse de que as frotas comunitarias
participantes cumpren coa prohibición do emprego de artes de
enmalle á deriva.
Entre a tripulación dos barcos de Pesca atópase un ATS que presta
a atención médica de emerxencia necesaria aos tripulantes das
embarcacións e ademais viaxa cos axentes de Gardacostas un biólogo
da Coordinadora para o Estudo dos Mamíferos Mariños (Cemma)
que realiza labores de observador co fin de procurar documentación
e datos sobre avistamento de cetáceos e de mamíferos mariños.
Así mesmo, os helicópteros Pesca 1 e Pesca 2, do Servizo de
Gardacostas, colaboran durante a campaña en todas aquelas actuacións
para as que son requiridos, dentro do seu radio de acción.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
