Tres galegos no Open de Holanda de Taekwondo
|
noticiasgalicia.-
O taekwondo galego estará presente, un ano máis, no Open de
Holanda, que terá lugar esta fin de semana en Eindhoven (19-21
de marzo), na que é unha das competicións máis prestixiosas
de Europa. Este ano a Federación Española decidiu que non acudiría
a este Open, da clase A, pero a Galega considerou que era importante
participar neste evento e finalmente viaxarán tres deportistas
xunto ao técnico Miguel Ángel Cortegoso.
O equipo galego partirá o venres dende Madrid en dirección a
Holanda. Así, en Eindhoven estará Borja Ríos (- 63 quilogramos)
e Jéssica Otero (-62 quilogramos), que non puideron acudir ao
Open de Alemania a pasada fin de semana, e ademais tamén irá
Lúa Piñeiro (-67), que aínda que estivo en Hamburgo, o seu adestrador
considerou que sería moi positivo para a deportista participar
esta competición de cara ao Campionato de Europa, que terá lugar
no mes de maio en San Petersburgo.
No Europeo os petos que se utilizarán son da marca Daedo, que
é a mesma pola que apostaron no Open de Holanda, pero non a
que se usou en Alemaña. No ano 2009, Galicia tamén estivo presente
no Open de Holanda e un dos seus deportistas, Francisco Padín,
acadou una medalla de prata, amosando unha vez máis o alto nivel
dos nosos competidores.
|
 |
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
