|
noticiasgalicia.- O
domingo, día 12 de setembro, remata o prazo para presentar
traballos literarios que concurran á VIII edición do certame
"Pura e Dora Vázquez", no apartado de narración.
Trátase de textos inéditos, que estean dirixidos maIoritariamente
a un público infantil ou xuvenil, e ten unha dotación nesta
modalidade de 3.000 euros.
Posteriormente, o traballo gañador será ilustrado nunha segunda
fase deste certame, para dar como resultado final un libro
que se empregará como elemento de difusión e divulgación en
campañas de animación á lectura. O certame "Pura e Dora
Vázquez" de narración e ilustración infantil e xuvenil
tenta homenaxear ás dúas poetisas ourensáns, que tanto traballaron
ao longo da súa vida polos máis novos.
|
