noticiasgalicia.- A deputada autonómica por Ourense e portavoz de Medio Ambiente do PSdeG-PSOE no Parlamento Galego, Laura Seara Sobrado, preguntará á Xunta de Galicia sobre o estado do proxecto para incrementar a produción de castaña e de madeira no concello ourensán de Vilardevós. No 2006 a consellería de Medio Rural e concello de Vilardevós asinaron un acordo para iniciar un proxecto co fin de incrementar a produción de castaña e de madeira ao mesmo tempo que evitar os incendios forestais.

Seara preguntará en comisión parlamentaria á Xunta de Galicia en que estado de desenvolvemento se atopa dito proxecto. "O obxectivo ­explica a deputada socialista- era concentrar terreos nas parroquias de A Trave, Soutochao, Berrande e Tomonte, onde hai soutos para plantar novos castiñeiros e incrementar así a produción de castaña, produto por excelencia de Vilardevós". "Deste xeito ­continúa Seara- o concello de Vilardevós participaría nun proxecto piloto a través dunha fórmula xurídica para usar diferentes parcelas e promover unha especie de alugueiro de terras".

Pola súa banda, o alcalde de Vilardevós e deputado provincial, José Luis Pérez García, sinala que "esta concentración de terreos non é a habitual, ven a complementar o proceso de recuperación dos sotos de castañas iniciado hai 20 anos". Pide á consellería de Medio Rural que ³impulse a posta en marcha deste proxecto canto antes" en canto "suporá para Vilardevós unha importante fonte de riqueza".