noticasgalicia.-A Cámara Oficial Mineira de Galicia, en colaboración coa Asociación Galega de Pizarristas e a empresa IROSA, e co apoio da Consellería de Innovación e Industria, reuníu na xornada do sábado 30 participantes na terceira edición de Mineira, Certame de Pintura Rápida en Explotacións Mineiras de Galicia. A corporación representativa do sector mineiro galego continúa a promover manifestacións artísticas para achegarlle o sector e os espazos mineiros ao conxunto da sociedade.

En edicións anteriores, a mina de San Fins (ano 2007), en Lousame, e a de Endesa (ano 2006), nas Pontes de García Rodríguez, foron os espazos escolleitos pola Cámara Oficial Mineira para desenvolver o concurso. Nesta ocasión, o escenario artístico e fonte de inspiración para os pintores é a canteira Juanita, en Carballeda de Valdeorras (Ourense), propiedade da empresa IROSA.

A explotación mineira, duns 150 km2 de dimensión, atópase no Penedo do Xudio. A lousa do depósito, de cor grisácea, data do Ordovícico Superior (hai 450 millóns de anos). O estilo, a técnica e os materiais que empregan os participantes son libres, e a temática das obras debe estar relacionada coa contorna da mina.