O escritor
limiao Rafael Laso presentará este xoves día 25 de xuño a
súa novela O Trasmundo de Antioquía no Liceo de Ourense
|
noticiasgalicia.-
O escritor limiao Rafael Laso
presentará este xoves día 25 de xuño a súa novela O Trasmundo
de Antioquía no Liceo de Ourense, que ten a súa sede no número
5 da rúa Lamas Carvajal. Durante o acto, que dará comezo ás
20:15 h o escritor achegará ao público esta novela ambientada
na lagoa de Antela e as terras de Xinzo. A obra reabre a liña
de narrativa galega retomada por edicións do Cumio recentemente
e constitúe a terceira novela do seu autor. Agradecemos de antemán
a difusión desta nova e adxuntamos, a seguir, máis información.
Máis información sobre a obra e o autor:
Rafael Laso naceu en Xinzo de Limia, pero mora en Vigo dende
fai varios anos. É Enxeñeiro Técnico Industrial pola E.U.E.T.I
de Vigo, cidade na que tamén desenvolve a súa actividade profesional
no marco da empresa privada. A súa carreira de escritor comeza
no 2005 coa publicación da obra infantil Por que Baldomero Quintáns?
que resultou gañadora no certame Pura e Dora Vázquez convocado
pola Deputación de Ourense. Ao ano seguinte, un relato seu resultou
gañador do premio Manuel Oreste Rodríguez organizado polo Concello
de Paradela. É tamén autor das novelas Memoria contra Alzheimer
(Edicións Xerais de Galicia, 2008) e A vida que non é (Edicións
Tambre).
O trasmundo de Antioquía é a súa terceira novela. En O trasmundo
de Antioquía valéndose dunha íntima conxunción entre realidade
e ficción, entre o histórico e o fabulado, Rafael emprega a
narración legada por un avó ao seu neto para conducirnos polo
fabuloso trasmundo da lagoa. Deste modo arranca unha viaxe chea
de probas, perigos sobrenaturais e sobre todo historias, as
cales entroncan con aquelas crenzas populares que sobreviven
neste mundo e coa mitoloxía artúrica. Unha obra chea de imaxinación
na que a esperanza e a crenza de que hai un lugar onde as historias
que nos contaban de nenos nunca morren se convirten pouco a
pouco no tema central e último do libro.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
