Termatalia
reúnese cos principais axentes do turismo de saúde da Arxentina
|
noticiasgalicia.-
Termatalia, Feira Internacional de Turismo Termal, xunto á Secretaria
Xeral para o Turismo da Xunta de Galicia, Carmen Pardo, veñen
de rematar unha intensa campaña de promoción da décima edición
da feira na Arxentina onde mantiveron reunións de traballo cos
principais axentes institucionais e empresariais turísticos
do país, entre os que destaca a entrevista mantida co ministro
de Turismo, Carlos Enrique Meyer. Durante a súa estancia en
Bos Aires, Termatalia participou ademais no 2º Simposio de Turismo
de Saúde, Spa e Termalismo no que presentou as novidades da
vindeira edición que terá lugar en Expourense entre o 15 e o
17 de outubro. A delegación de Termatalia e a Secretaria Xeral
para o Turismo foron recibidas polo ministro de Turismo da República
Arxentina, Carlos Enrique Meyer, quen coñece moi ben a feira
xa que no seu anterior papel de Secretario de Turismo apoiou
durante varias edicións a participación deste país en Termatalia
a través de IMPROTUR (Instituto de Promoción Turística).
2º Simposio de Turismo de Saúde, Spa e Termalismo
Seguindo a campaña de promoción en América Latina, Termatalia
ven de participar no 2º Simposio de Turismo de Saúde, Spa e
Termalismo, organizado pola Federación de Empresarios de Hotelería
e Gastronomía da República Arxentina, FEHGRA, o principal socio
de Termatalia neste país. Celebrado en Bos Aires, contou coa
presenza de profesionais procedentes da Arxentina, México, Brasil,
Perú e España. O director de Termatalia, cita convertida xa
no centro de negocios internacional do turismo de saúde e da
industria termal, presentou neste simposio as novidades da décima
edición e destacou o aumento da presenza de empresarios e profesionais
latinoamericanos destos sectores nela, xa que este evento está
considerado coma ponte de conexión termal entre o novo continente
e Europa. A Secretaria Xeral para o Turismo, Carmen Pardo, tamén
participou como relatora neste encontro no que presentou a oferta
en turismo de saúde de Galicia, unha das rexións máis ricas
de Europa en canto a capital termal, e as actuacións que está
executando o goberno galego neste sector. A delegada de Termatalia
en A Arxentina e experta en turismo de saúde en América Latina,
Teresita Van Strate, foi outra das relatores deste Congreso
e disertou sobre as novas tendencias en circuítos hídricos.
Reunioóns cos axentes do sector
Termatalia aproveitou a súa participación neste foro para manter
encontros cos directivos de FEHGRA, a principal asociación de
hoteleiros do país (máis de 60.000 membros) coa que a feira
mantén diversos acordos de colaboración. Así, reuníronse co
presidente de FEHGRA, Óscar Ghezzi, e o seu vicepresidente,
Alberto Ravalli. Este último é ademais presidente da comisión
de formación desta federación que é o que lidera o desenvolvemento
do turismo de saúde no país a través das filiais que FEHGRA
ten nas distintas provincias termais.
Nesta serie de encontros cos principais axentes do sector, a
delegación de Termatalia, acompañada pola Secretaria Xeral para
o Turismo, reuniuse con membros da Cámara Arxentina de Turismo
(CAT), entidade da que tamén forma parte FEHGRA. Durante a súa
presenza neste congreso, Termatalia mantivo encontros co asesor
de CAT, Héctor Enrique Vega; con representantes da Asociación
de Empresarios de Termas de Río Hondo, o principal destino termal
do país; co da Asociación de Empresarios Hoteleiro-Gastronómicos
de Paraná, localidade ubicada na provincia de Entre Ríos, outra
das provincias termais máis importantes e coa empresa de cosmética
termal Nelly Ross, habitual expositora da feira. Tamén se celebraron
encontros co presidente da Asociación Arxentina de Empresas
de Viaxes e Turismo, Ricardo Roza, o co director de desenvolvemento
de filiais da Asociación de Hoteles de Turismo da República
Arxentina, Ricardo Muiño. A Arxentina estará un ano máis representada
en Termatalia 2010.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
