noticiasgalicia.- Os axentes do Servizo de Gardacostas de Galicia, da Consellería de Pesca e Asuntos Marítimos, realizaron un total de 9.083 actuacións de inspección pesqueira nas rías galegas entre os meses de xaneiro e xuño de 2008. Desta cifra, un total de 1.823 se constituíron en actas de presunta infracción o que implica a apertura do correspondente expediente sancionador por parte da delegación territorial competente.

A maior parte das actuacións levadas a cabo polos medios marítimos, terrestres e aéreos do Servizo de Gardacostas correspóndense con inspeccións en portos, en establecementos e supermercados, no mar, na praia e na costa, no transporte de recursos pesqueiros, en lonxas, así como en instalacións de cultivos mariños, entre outros.

Do balance da actividade inspectora realizada no primeiro semestre deste > ano despréndese que o persoal de Pesca comisou un total de 19.933,88 > quilogramos de distintas especies pesqueiras e marisqueiras. Máis en concreto, fixéronse con 10.907,92 quilos de moluscos bivalvos, 3.955,42 de peixes, 1.896,49 de crustáceos, 1.591,05 de cefalópodos e 1.583 de equinodermos.

Así mesmo, os axentes de Gardacostas aprehenderon 6.864 bens e medios, dos que 4.307 foron nasas e 1.538 aparellos de enmalle. A estes hai que > engadir 838 unidades doutras artes e útiles, así como 74 artes de marisqueo, 57 medios (embarcacións e vehículos), 35 aparellos de anzol e 15 equipamentos de mergullo.

Ría da Pasaxe
No que respecta á Ría do Burgo, o traballo realizado polos Gardacostas de Galicia nos primeiros seis meses deste ano, en colaboración coas Forzas e Corpos de Seguridade e os vixilantes da Confraría de Pescadores de A Coruña, deu como resultado preto de 300 actuacións das que 145 se converteron en actas de presunta infracción.

Ademais, lograron expulsar a máis de 1.000 furtivos que pretendían capturar ilegalmente marisco, comisaron preto de 200 quilos de ameixa e berberecho e incautaron case 50 bens e medios.

Inspección en establecementos e no transporte por estrada Por outra parte, os axentes da Consellería de Pesca realizaron un total de 2.022 inspeccións en establecementos (pescaderías, prazas de abastos, restaurantes e supermercados) no que vai de 2008, das que 190 se constituíron en actas de presunta infracción.

Con respecto ao transporte de recursos pesqueiros por estrada, realizáronse 866 inspeccións. Delas un total de 106 se constituíron en actas de presunta infracción.