noticiasgalicia.-Galicia conta, por impulso da consellería de Pesca e Asuntos Marítimos, cunha iniciativa única no ámbito nacional e internacional coa que os mariñeiros e mariscadores galegos poden recibir indemnizacións en caso de paralización e perda da produción por mor de condicións climatolóxicas adversas. É o que se denomina xa: o Seguro de mal tempo.

A creación dun seguro de mal tempo xurde do feito de que a actividade pesqueira e marisqueira está sometida a que se dean unhas condicións climatolóxicas que permitan aos profesionais desenvolver a súa actividade sen que supoña un risco para eles.

A situación xeográfica de Galicia determina que a nosa comunidade teña un litoral sometido a condicións meteorolóxicas que obrigan a amarrar a frota, sen posibilidade de que os barcos poidan saír a pescar durante varios días. Polo que esta situación implica unha falta de ingresos nas economías dos profesionais que viven da explotación dos recursos pesqueiros e marisqueiros. Este novedoso seguro de mal tempo ven a supoñer o nacemento deste tipo de produtos, xa que esta cobertura non está presente no mercado de seguros nacional e internacional.

Os interesados en adherirse a esta seguro xa tiveron a posibilidade de presentar as súas solicitudes desde o mes de outubro do pasado ano. As axudas previstas polo departamento que dirixe a conselleira Carmen Gallego, se achegan a preto de 1,4 millóns de euros. Cantidade destinada a sufragar as primas ata o vindeiro 28 de outubro do presente ano. A Consellería de Pesca sufragará o 70 % da achega que deberá facer o asegurado para o pagamento da prima anual.

• Beneficiarios e excluídos nesta iniciativa
• A poliza cubre o pagamento dunha indemnización