|
noticiasgalicia.-
A Deputada provincial, Ana Isabel Vázquez, recibíu hoxe no Pazo Provincial
a representantes do Club Deportivo de Xordos de Poio, concretamente
ó presidente, Eladio Martínez e ó secretario Miguel Leiro López. O
motivo da xuntanza foi a entrega por parte da responsable da Deputación
dunha colaboración económica de 2.500 euros á entidade que teñen por
obxecto o financiamento dunha actividade de bolos organizada polo club
de Xordos.
O Club agradeceu a colaboración constante da Deputación, que ademais
de colaborar con eles para poder participar en distintos campionatos,
tamén lles facilitou a compra dunha furgoneta dentro do plan establecido
con Citröen e Caixanova. Compre salientar que o Club de Xordos de Poio
gañou no último ano 27 trofeos en diferentes tipos de competicións
deportivas. Segundo informaron os seus integrantes, en Galicia existen
un total de nove clubs de xordos distintos, dos cales tres están fundados
en Pontevedra.
|
