|
noticiasgalicia.-
Dende o BNG consideramos que os orzamentos
dos concellos, ademais de aportar a inexcusable transparencia aportan
a ferramenta fundamental de traballo para superar momentos dificiles
como o que estamos atravesando e son claves para axilizar a xestión
e clarificar criterios. Así o orzamento do Concello de A Lama para
o ano 2010 previa uns gastos de 1.390.708,33 ¤ que dividido entre 3014
habitantes ( censo 2009 ), daba un gasto de 461,42 por persoa. O orzamento
mantívose igual con respecto ao do ano 2009.
Os gastos de persoal non variaron con respecto ao ano 2009. De media
nos concellos do Estado Español (2009) dedícase un 31,57% a gastos
de persoal. No concello de A Lama dedícase un 40,97% do orzamento,
569.812,06 ¤ ,9 puntos porcentuais máis que a media estatal. Os gastos
en Investimentos Reais non variaron con respecto ao ano 2009. De media
nos concellos do Estado Español (2009) dedícase un 21,79% a investimentos
reais, mentres que no concello de A Lama dedícase unicamente un 1,95%
do orzamento, 27.124,10 euros, 19,84 puntos porcentuais menos que a
media estatal. Isto no momento que estamos vivindo parecenos intolerable
, as entidades públicas teñen a obriga de reactivar a economía local
e atender ás necesidades dos cidadáns como se merecen.
|
