 |
noticiasgalicia.-
O presidente da Deputación
de Toledo, Arturo García-Tizón, coincide co seu homólogo
en Pontevedra, Rafael Louzán, no papel fundamental que desenvolven
as administracións provinciais como garantes da equidade
na prestación de servizos entre os concellos máis grandes
e os máis pequenos.
Neste sentido, García-Tizón recalcou que as deputacións
provinciais son "o núcleo esencial de axuda aos pequenos
municipios" e amosouse convencido de que "poderían
converterse en órganos periféricos das propias administracións
rexionais". Nesta liña, asegurou que este é un tema
que convén poñer sobre a mesa cando se aborde o redeseño
dunhas administracións das que dixo que "se non as
houbese habería que inventalas", porque son fundamentais
se se quere garantir a equidade na prestación de servizos.
"Sen deputacións dixo- os veciños dos pequenos municipios
non poderían acceder aos mesmos servizos que os veciños
das grandes capitais", polo que incidiu en que a súa
desaparición "sería una traxedia para os pequenos concellos".
Segundo subliñou, a funcionalidade das deputacións queda
demostrada cando se comproba que alí onde se intentaron
crear outras institucións como foi en Cataluña as veguerías
"o que se fixo foi reproducir o sistema de deputacións
provinciais". En relación á situación dos concellos,
Rafael Louzán e García-Tizón incidiron na diferenza existente
entre unha e outra provincia neste campo, xa que mentres
Pontevedra con preto de un millón de habitantes ten 62 concellos
e practicamente todos teñen máis de 2.000 habitantes; Toledo,
con algo máis de 600.000 habitantes, ten 204 concellos e
a inmensa maioría con menos de 1.200 habitantes. Esta diferenza
fai que, mentres en Pontevedra a fusión dos concellos non
é vista por Rafael Louzán como unha necesidade, García-Tizón
valore a necesidade de avaliar este asunto.
Así, asegurou que "en Toledo, o gran núcleo dos municipios
está por debaixo dos 5.000 habitantes", polo que, "se
non un proceso de fusión" si ten analizarse a tipoloxía
destes municipios, porque "municipios con 500 habitantes
non poden prestar servizos en moitas áreas.
|
