|
noticiasgalicia.-O
presidente da Deputación, Rafael Louzán, destacou hoxe o gran servizo
que está a prestar a gardería Príncipe Felipe, na que se atende a 120
nenos a "un prezo extraordinariamente razoable". Rafael Louzán
incidiu en que, malia á actualización das tarifas realizada o 1 de
febreiro en virtude do Decreto da Xunta de Galicia que regula as tarifas
das escolas da rede pública, as familias seguen disfrutando dun extraordinario
servizo a uns prezos "moi razoables".
Louzán recoñeceu que na actualidade "o contexto económico é o
que é" e son moitas as familias que están a pasar dificultades,
pero, precisamente neste contexto, a actualización de prezos recae
sobre as rendas máis altas, mentres que as máis baixas, as que non
chegan ao 100% do IPREM (532,51 euros), verán reducida a cota a pagar
polo servizo de comedor ata en 16,50 euros. "O importante é que
hoxe a Deputación está dando un servizo a 120 familias" que doutro
xeito "non poderían compatibilizar a súa vida familiar e laboral
por non ter este servizo², salientou o presidente da Deputación, quen
lembrou que o mantemento deste centro é moi custoso para a Administración
Provincial que, malia todo, está decidido a mantelo por consideralo
un servizo útil e moi necesario. A actualización de prezos supón unha
suba de 7 euros na asistencia e 2 euros no comedor para as persoas
con rendas de entre o 100% e o 125% do IPREM; de 16 euros na asistencia
e 17 euros no comedor para as rendas de entre o 125% e o 150% do IPREM;
de 29 euros na asistencia e 27 euros no comedor para as familias cunhas
rendas de entre o 150 e o 175% e de 50 euros na asistencia e 37 euros
no comedor para os que teñan renda por encima do 175% do IPREM.
|
