|
noticiasgalicia.-
A Deputación Provincial de Pontevedra veu incrementado o seu patrimonio
en máis de 1.700.000 euros durante o ano 2011, segundo se recolle na
actualización do inventario de bens e dereitos da administración provincial.
Ao longo do pasado ano incorporáronse ao patrimonio da Deputación bens
e dereitos por un valor de 1.882.918,57 euros, mentres que se produciron
baixas por unha contía de 153.591,44 euros. Deste xeito, o inventario
total pasou dos 60.733.826,92 euros do 31 de decembro de 2010 aos 62.463.154,05
do 31 de decembro de 2011, o que supón un incremento de 1.729.327,13
euros.
As maiores variacións producíronse no capítulo de bens inmobles, incrementándose
o seu valor en 1.252.593,37 euros, pola incorporación de inmobles valorados
en 1.385.537,21 euros (a reitoral de Chenlo (Porriño); 21 fincas en
Meis para construir a Pousada; a estrada de Lago Castiñeiras, etc.)
mentres que só se produciron baixas cifradas en 132.943,84 euros. Con
estes datos, o valor de inventario dos inmobles de titularidade da
Deputación Provincial ascende a 45.448.708,56 euros. Nos demais capítulos
as variacións son menores e inclúen o aumento no valor dos mobles de
carácter artístico ou histórico en 10.160 euros; altas de vehículos
(camións de recollida de lixo para os concellos e máquinas do Parque
de Maquinaria da Deputación) que ascenden a 95.724 euros e baixas neste
capítulo por un importe de 14.300 euros; e un aumento no valor de inventario
doutros mobles de 205.349 euros. Finalmente, o valor dos semovientes
(maquinaria e animais) practicamente se duplicou, pasando ao longo
deste ano dos 173.100 euros aos 352.900. Todos eles corresponden á
Finca e ó Laboratorio da Deputación en Mouriscade (Lalín).
|
