noticiasgalicia.-
A Xunta de Galicia, a través da Consellería de Medio Ambiente, Territorio
e Infraestruturas, publica hoxe no Diario Oficial de Galicia (DOG) a
resolución pola que se somete ao trámite de información pública complementaria
o trazado do segundo treito da Autovía Curro-Baión, concretamente o tramo
que enlaza a costa coa localidade pontevedresa de Baión, con esta actuación
levarase acabo a adaptación do trazado entre o PK 1+930 ao 3+400.
A minimización da afección, aínda que discorre polo mesmo vial da alternativa
proposta, e ten a mesma concepción global do trazado, supón un desprazamento
superior ao establecido na resolución de aprobación, polo que se ten
que someter ao trámite de información pública, mediante un estudo complementario,
co fin de adaptar o trazado entre o PK 1+930 ol 3+400. A nova solución
proposta é similar en cuanto a custe, afección ambiental, funcionalidade,
etc, á solución inicial, xa que ambas discorren polo mesmo vial, pero
minimiza a afección ás explotacións mineiras. Por todo isto, o estudo
sométese ao trámite de información pública, durante un período de 30
días hábiles, contados a partir do seguinte ao de publicación do anuncio
no Diario Oficial de Galicia.
Antecedentes
Esta acción lévase acabo tras unha resolución aprobatoria, publicada
no DOG de 27 de outubro de 2008, onde se recollía que na fase de proxecto
deberíase aquilatar o trazado na zona das canteiras, con fin de reducir
a súa afección e, ademais, sinalábase que no documento de trazado e construción
que desenvolvera o estudo informativo debería axustarse á alternativa
aprobada, tendo, por motivos construtivos, a posibilidade de flutuar
dentro dunha banda de 100 metros a cada lado del eixe.
Así, co obxectivo de dar cumprimento á redución da afección ás canteiras,
no ano 2009, redáctase o Proxecto de Trazado da "Autovía Curro-Baión"
no que se inclúe o desenvolvemento desta alternativa, denominada "Centro
2", en a que se permite o desprazamento cara o leste, nunha lonxitude
de aproximadamente 700 metros e cunha separación máxima de so 200 metros
na súa parte máis desfavorable, para reducir a afección a unha das canteiras,
permitindo a súa explotación durante o seu período de concesión. A exposición
ao público, realízase na Dirección Xeral de Infraestruturas, no servizo
de infraestruturas de Pontevedra e nos concellos de Portas y Meis.
Así mesmo, na páxina web da Consellería de Medio Ambiente, Territorio
e Infraestruturas (http://www.cmati.xunta.es/portal/cidadan/lang/gl/pid/2199),
atópase a disposición dos interesados un documento resumen del estudo.
|
