 |
noticiasgalicia.-
O concelleiro de Deportes, Adrián Varela,
presentou o cartel do partido internacional entre as seleccións femininas
de fútbol de España e Austria, que se disputará o mércores 15 de febreiro,
ás 20:45 horas, no Estadio de San Lázaro, e avanzou algunhas das actividades
programadas vinculadas co evento.
O edil estivo acompañado pola concelleira de Familia, Benestar Social,
Muller e Emprego, Paula Prado; o seleccionador nacional de Fútbol Feminino,
Ignacio Querenda,; o presidente da Federación Galega de Fútbol, José
García Liñares; e a internacional española Verónica Boquete. Adrián
Varela animou a todos os composteláns a asistir a este partido, que
en palabras de Verónica Boquete, será "festa do fútbol feminino". Tamén
nestes termos se pronunciou o seleccionador nacional, quen recoñeceu
a importancia da futbolista para converte Santiago nun "referente"
do fútbol feminino español. Pola súa parte, Paula Prado destacou que
eventos como este pretenden contribuír a "fomentar a incorporación
feminina ao deporte". O partido internacional entre seleccións está
organizado pola Federación Galega de Fútbol e conta coa colaboración
do Concello de Santiago. A compostelá Verónica Boquete, actual dianteira
do Tyresö FF da Damallsvenskan de Suecia e internacional coa Selección
Española, xogará nesta ocasión ante a afección da súa cidade. Para
a celebración do partido habilitaranse inicialmente as zonas de tribuna
e preferencia, polo que o estadio disporá dun aforo para a ocasión
de máis de 4.000 persoas.
Localidades á venta
As localidades están á venda dende este xoves 2 de febreiro, en horario
de 10:00 a 14:00 horas, nas oficinas do Departamento de Deportes do
Concello de Santiago, na porta 1 do Estadio Municipal de San Lázaro
(tlfno. 981 528 730), e dende o luns 13 de febreiro tamén se poderán
adquirir na billeteira do recinto en horario de 17:00 a 21:00 horas.
A entrada para tribuna ten un prezo de 7 ¤ e a de preferencia de 5
¤. Os menores de 14 anos poderán acceder de balde previa retirada da
súa invitación a través da Federación Galega de Fútbol e, principalmente,
dos clubs de fútbol da cidade, ata completar o cupo dispoñible. Calquera
consulta en relación ás localidades debe tramitarse na Delegación en
Santiago da Federación Galega de Fútbol, na porta 7 do Estadio de San
Lázaro (tlfno. 981 581 755).
|
