 |
noticiasgalicia.-
O Cineclube de Compostela enceta o
mes de febreiro cunha nova sesión de cinema galego, este mércores 1,
coa proxección do documentario de Uqui Permui Doli, Doli, DoliŠ coas
conserveiras. Rexistro de traballo (Galiza, 2010). Para presentalo,
contaremos coa presenza da directora no Cineclube.
A sesión vai ter lugar no lugar e horario habituais, ás 21:30 no CS
O Pichel (Santa Clara, 21). En 1989, unhas cen mulleres, catro delas
en folga de fame, encérranse na fábrica de Odosa, na Illa de Arousa,
como acto de protesta contra o peche inminente da factoría conserveira.
O peche foi gravado por elas propias nun documentario no que contaban
o que estaba a suceder alí. Vinte anos máis tarde e partindo dese mesmo
material, Uqui Permui realiza un novo documental que narra a historia
contada polas mesmas protagonistas, nun traballo que mestura o pasado
co presente. O obxectivo é transmitir unha idea de como era e como
é o traballo nas fábricas de conserva e a relación laboral das mulleres
e deixar constancia do traballo destas mulleres das que, cando a fábrica
ameazaba con pechar, filmaron estas imaxes contra a posibilidade de
non aparecer testemuña documental algunha de que levasen trinta ou
corenta anos empregadas alí. En Doli, Doli, DoliŠ coas conserveiras.
Rexistro de traballo vemos, nas palabras da propia directora, ³mulleres
que denuncian como o traballo das conserveiras se considerou sempre
un complemento do salario do seus compañeiros e non un salario en si
mesmo, aínda que moitas vivan, elas e os seus fillos, unicamente deses
ingresos² Para presentar o filme e debater co público asistente, contaremos
nesta sesión coa presenza da directora, Uqui Permui. Nacida en Barallobre
(Fene) en 1964, Permui compaxina o traballo gráfico no estudo de deseño
e comunicación visual uqui /cebra coa creación de proxectos en distintos
formatos. En vídeo, entre outros, ten realizado e dirixido xunto ao
artísta Xoan Anleo Asuntos internos no 2006 e codirixido con Marta
Piñeiro Os territorios comerciais efémeros no 2008. A vindeira semana,
o Cineclube de Compostela vai ter unha nova sesión de cinema galego,
tamén organizada arredor da reutilización de material alleo.
En concreto, vamos contar coa presenza do director Xurxo Chirro, que
vai presentar o seu último filme, Vikingland, producto da manipulación
e repropriación das gravacións persoais do mariñeiro Luis Lomba Œo
Haia¹, realizadas en Dinamarca e Alemaña entre outubro de 1993 e marzo
de 1994. O filme vai ser proxectado na súa versión orixinal en galego.
A entrada é de balde, puidendo adquirir un bono axuda para colaborar
co Cineclube. O Cineclube tenta ser unha asociación autoxestionada,
polo que para manter o noso funcionamento, propoñemos unha aportación
económica persoal, cunha cota mensual de 5 euros para traballadoras
e de 3 para estudantes e paradas. Os socios e socias poderán dispor
do fondo do Cineclube antes das proxeccións, os mércores de 21:00 a
21:30.
|
