|
O 16 de outubro é o último día para inscribirse na
edición de outono do Concurso de Escaparatismo
|
noticiasgalicia.-
O 16 de outubro é o último día para inscribirse na Edición
de Outono do VI Concurso Municipal de Escaparatismo
SCQ Shopping 2009, organizado pola Concellaría de Promoción
Económica, Emprego, Comercio e Turismo. Dirixido a todos
os comercios de Santiago de Compostela, o certame ten
como obxectivo contribuir á dinamización e mellora dos
estabelecementos en activo, incentivando a súa capacidade
creativa e a súa imaxe. Os/as comerciantes interesados
poden apuntarse envíando os seus datos, (nome do estabelecemento,
sector ao que pertence, nome e apelidos do propietario,
enderezo, teléfono, fax e correo electrónico –se o teñen-)
ao correo electrónico escaparatismo@santiagodecompostela.org
ou ao fax 981 554 296.As bases do concurso, que este
ano destina 36.580,98 euros a premio, poden consultarse
na páxina web da Concellaría dirixida por Xosé Manuel
Iglesias: www.maiscompostela.org.
O certame divídese en catro edicións: Primavera, Verán,
Outono, e Nadal. En cada unha delas prémianse tres comercios.
Na Edición de Primavera os estabelecementos premiados
foron Tokonoma Iluminación, Xoguetería Vagalume e Xocoátel;
e na de Verán Pecados de Compostela, Óptica Pontecastro
e Seguridade A-1. Os premios para os comercios gañadores
consisten en campañas publicitarias a nivel local por
valor de 5.156 euros para o primeiro clasificado en
cada unha das edicións, de 2.306 euros para o segundo,
e de 1.682 euros para o terceiro clasificado.
Inclúen anuncios en televisión, radio e prensa para
o primeiro clasificado; e en radio e prensa, para o
segundo e o terceiro. O xurado no que se integran asociacións
de comerciantes, consumidores e expertos na materia,
valora especialmente a orixinalidade, ambientación e
eficacia da mensaxe publicitaria atendendo ás condicións
dos establecementos. No certame prima tanto o escaparate
como o interior do comercio. A Concellaría de Promoción
Económica e Comercio organiza este concurso desde o
ano 2004.
No certame colaboran a Cámara de Comercio de Santiago
de Compostela, a Asociación de Comerciantes de Santiago
ACOTES, a Asociación de Comerciantes e Profesionais
Centro Comercial Aberto Compostela Monumental, a Fundación
Santiago Centro Área Comercial, a Asociación de Comerciantes
do barrio de San Pedro, Euroconsumo Galicia e o Grupo
Correo Gallego. A Edición de Outono do Concurso de Escaparatismo
forma parte das accións de promoción e dinamización
do sector recollidas no Plan Estratéxico do Comercio
Compostelán, cofinanciado pola Deputación de A Coruña
e o Concello de Santiago.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
