|
O concello instala novos colectores de recollida selectiva
|
noticiasgalicia.-
O Concello de Teo vén de mercar colectores para a recollida
selectiva de lixo para o vidro, para o papel e o cartón,
e para os envases lixeiros. O Concello mercou estes
colectores con cargo aos fondos propios e sen contar
con subvencións doutras administracións. A colocación
de novos colectores é "unha demanda xeneralizada
entre os veciños e veciñas de Teo do que somos conscientes"
explica Rafael Sisto, tenente alcalde. Neste momento
mercáronse dezaseis colectores azuis para o papel, dezaoito
iglús verdes para o vidro, e quince amarelos para os
envases lixeiros.
Segundo explica Sisto "aínda que neste momento
non existen liñas de subvencións doutras administracións
supramunicipais das que nos poidamos beneficiar asumimos
que a xente ten que ter resultados ás demandas".
Nos últimos días comezaron a instalarse os novos colectores
tendo en conta as zonas comúns como zonas residenciais
e tentando atender as peticións veciñais. O municipio
contaba ata o dagora con corenta e tres colectores azuis
para o papel, cincuenta e un verdes para o vidro e trescentos
dous amarelos para os envases lixeiros.
Esta medida súmase á instalación dos minipuntos limpos
que colocou o Concello nos últimos meses nas zonas dos
Tilos, Cacheiras, Montouto e Milladoiro para fomentar
a recollida selectiva do material de refugallo. Dende
o Concello tamén se explica que se ten solicitado diante
da Consellería de Medio Ambiente máis colectores soterrados,
xa que neste momento Teo só conta con eles en Montouto.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
|
