 |
|
|
|
 |
 |
|
 |
O Foro Galego de Inmigración convida á
cidadanía galega a participar do Día Mundial das Persoas Migrantes
o día 18 de decembro
|
noticiasgalicia.-
O Foro Galego de Inmigración formado polas asociacións e entidades
recollidas ao final convoca e convida ao conxunto da cidadanía galega
a participar nos Actos e Actividades que desenvolverá en relación
coa celebración do Día Mundial das Persoas Migrantes o día 18 de
decembro en diferentes lugares de Galicia. Os actos e actividades
serán:
En Santiago de Compostela: Acto lúdico-reivindicativo que terá lugar
no salón de actos do Museo do Pobo Galego e na Praza do 8 de Marzo
entre as 11:00h e as 14:00h do domingo día 18 de decembro, que incluirá
actuacións musicais e lúdicas. No transcurso do mesmo diferentes
persoas de diferentes colectivos de migrantes afincados na cidade
lerán o Manifesto Revindicativo. Este Acto conta co apoio e colaboración
de colectivos veciñais e sociais do Barrio de San Pedro Para a difusión
do Acto lúdico-revíndicativo entre a cidadanía, realizaremos un reparto
de folletos informativos hoxe venres día 16 de marzo na Porta do
Camiño entre as 17:00h e as 20:00H.
En A Coruña no local da Asociación Amespa (Rúa Ramón Cabanillas 2-entrechan
A Coruña): Cine-Forum e festa reivíndicativa o domingo día 18 de
decembro as 12 horas.
En Ferrol, o Foro Galego de Inmigración participará nun acto con
Radio Filispim, Colectivo Ártabara 21, Marcha das Mulleres, a Revolta,
e Fuco Buxán entre outros colectivos de conmemoración do día das
persoas migrantes que servirá tamén para amosar a solidariedade co
Colectivo Lazos que traballa con persoas afectadas polo VIH o dia
sábado 17 de decembro ás 11 horas na Traseira do Mercado de Caranza,
Rúa Cuco Ruiz de Cortázar S/N.
O Manifesto que se lerá nestes actos abordará os seguintes temas
principais:
1.- A situación xerada pola normativa autonómica que restrinxe o
acceso á tarxeta sanitaria para as persoas migrantes ou non sen recursos,
O Foro Galego de Inmigración ven de apoiar o recurso presentado pola
Plataforma en Defensa da Sanidade Pública diante do Valedor do Pobo
ante a claro incumprimento de dereitos humanos fundamentais , de
dereitos constitucionais e mesmo de normativas estatais de maior
rango que supón esta normativa. Dun xeito especial incidimos no recurte
fundamental que supón establecer un período de 183 días de empadroamento
previo para ter dereito ao acceso aos servizos derivados da tarxeta
sanitaria, feito que ten unha grave incidencia sobre os colectivos
migrantes máis vulnerables pola súa situación de irregularidade administrativa,
así como para outras persoas que se poidan atopar en situacións de
exclusión social. Consideramos intolerable este ataque a dereitos
básicos das persoas que ademáis se perpetra dun xeito especial contra
as persoas en maior situación de vulnerabilidade.
2.- En relación cos cambios derivados da nova normativa que afectara
dende comezos de ano ás empregadas de fogar, salientamos que a pesar
de certos avances importantes no campo dos dereitos laborais en temas
de contratación, cotización á seguridade social, ou recoñecemento
das baixas laborais, segue a ser incompleto porque non recoñece dereitos
fundamentais como o dereito á prestación por desemprego. Analizaremos
ademáis o proceso de implantación da mesma xa que puidera provocar
unhas indesexadas consecuencias de aumento do traballo irregular,
na economía submerxida, xa moi elevado na actualidade neste sector
profesional. Esixiremos ás máximas garantías por parte das administración
públicas competentes para que se cumpra este nova normativa e haxa
unha persecución rigorosa das irregularidades que se poidan cometer
neste ámbito.
3.- Por último, en relación coa situación dos servizos públicos de
atención ás persoas migrantes en Galicia que na actualidade se manteñén
nas principais cidades e comarcas en base a convenios coa Xunta de
Galicia que rematan a final de ano, e como xa manifestamos noutras
ocasións, con independencia da procedencia do financiamento, compre
a obriga de manter uns servizos públicos especializados cara a este
colectivo de forma permanente, máis nun contexto de fortes recurtes
dos servizos públicos en xerais e dos servizos sociais en particular,
que para o colectivo migrante de Galicia supuxo no presente ano 2011
a retirada das poucas vías de financiamento do asociacionismo que
existían, facendo moi difícil a situación das asociacións de migrantes,
con problemas de peches de locais, endebedamentos, etc que comprometen
a propia existencia de moitas delas.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
|
