Silencio cómplice da Delegación do Goberno sobre a renovación
das cámaras de Compostela
|
noticiasgalicia.-
O Movemento polos Dereitos Civís vén de recibir resposta
do xulgado contencioso administrativo nº2 da Coruña
informándoo de que a Delegación do Goberno non respondeu
o escrito iniciado polo colectivo contra a desestimación
da institución solicitando a denegación da renovación
da autorización da instalación das cámaras de vídeo
vixilancia na zona monumental de Compostela. Para o
MpDC este desleixo consciente nas súas funcións volve
pór de manifesto o desprezo que profesa a Delegación
pola cidadanía e polos colectivos que, como o caso do
Movemento, traballan na defensa dos dereitos civís.
O pasado día 15 de xaneiro expirou a última das autorizacións
concedidas pola Delegación do Goberno ao Concello de
Santiago para a instalación de cámaras de vídeo-vixilancia
na zona vella. Se ben, a institución concedeu a dita
autorización a pesar de os dispositivos estaren en situación
ilegal. Con tal decisión queda demostrada ás claras
a incompetencia do organismo no que respecta ao cumprimento
das súas funcións. Ademais, tal renovación supón unha
vulneración do procedemento establecido, ademais de
ao dereito á imaxe, á honra e á intimidade persoal e,
como non, do principio de seguridade xurídica.
A Delegación é a única institución que pode autorizar
ou non as cámaras de vídeo vixilancia neste caso e o
seu deber é valorar se a instalación é o sistema máis
idóneo para a finalidade que se persegue, segundo o
concello ter controlados os actos vandálicos cando os
índices de criminalidade non amosan tal necesidade,
e tamén ter en conta os principios de proporcionalidade
e intervención mínima, que se incumpren flagrantemente
neste caso. Así as cousas, o Movemento polos Dereitos
Civís volveu solicitar recentemente, a adopción dunha
medida cautelar co obxectivo de se paralice a solicitude
de renovación da autorización feita polo Concello á
Delegación do Goberno. Ao seu ver, de continuarse coa
autorización da instalación das ditas videocámaras segue
a infrinxirse a legalidade e persoas que non deron o
seu consentimento porque non foron consultadas están
sendo gravadas cando transitan pola rúas compostelanas,
o que supón unha vulneración do dereito á honra á intimidade
e á propia imaxe.
Bugallo segue coa súa teima de continuar coa ilegalidade
Pola súa banda, o Concello de Santiago si respondeu
a solicitude feita polo Movemento a respecto da suspensión
da renovación das cámaras de vídeo vixilancia de Compostela.
Lonxe de actuaren con coherencia e con atención á legalidade
e aos dereitos da cidadanía non desisten en renovar
a autorización. O MpDC lembra que hai outro procedemento
aberto contra as ditas cámaras e que o colectivo abonou
3000 euros permitindo que se executase provisionalmente
a sentenza que obriga a retirar os dispositivos. Unha
vez máis, Bugallo e os responsábeis de seguridade volven
demostrar cales son os seus intereses.
Ao respecto, Compostela alega que a retirada ou non
das cámaras non afecta directamente ao Movemento como
entidade. Ao parecer do MpDC, tal reacción é totalmente
temerario tendo en conta que o colectivo se di dos Dereitos
Civís e atende ás cuestións referentes á cidadanía,
feito que a instituición pública demostra desatender
constantemente. Para máis ver, chegan a indicar que
a retirada dos dispositivos suporía un dano irreparábel.
O Movemento pregúntase que considera o Concello irreparábel
se non son os dereitos da cidadanía. Con todo, o Concello
estima unha cantidade, 600000 euros, como ³suma prudencial²
á hora de proceder a executar provisionalmente a sentenza
do xulgado, cantidade idéntica á solicitada no outro
procedemento aberto contra o consistorio. A arrogancia
e o desprezo de Compostela polos colectivos e o común
da sociedade queda patente. Cabe lembrar que a xustiza
considerou en setembro do pasado ano irregular o procedemento
de instalación das mesmas e ordenou a súa retirada,
mais os responsables de seguridade cidadá empeñáronse
en seguir malgastando os recursos públicos e recorreron
a sentenza perante o Tribunal Superior de Xustiza de
Galiza.
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
|
|
