Falta a canastilla

O señor Zapatero, presidente do Goberno, cando no Parladoiro, lugar, coido non axeitado para facer unha "soflama", como se fose nun mitin, dicindo aquilo de que, cada familia percibiría 2.500 Euros, quenes tiveran un neno recen nacido. Despois xa se falou que, tiña que ser nacido a partires do día tres de Xuño. Está moi ben, os que tiveron a "desgracia" de nacer antes de ese día, os pais quedan sen o paquete de pañales que puideran mercar con eses cartos. Claro que a cabalo regalado non se lle mira o dente, como di o refrán. Inda que sexan moitas as queixas sobre diso, pois os pais din que non chega a nada. ¿Agardarían que lle deran esa cantidade tódolos meses ata, que foran a escola?

Este diñeiro que o presidente ofreceu, seica inda andan por Bruselas, a ver de onde o atopan, pero po-lo de pronto, xa teñen que apuntarse para cando chegue non quedar sen el. Isto máis parece unha axuda electoral en votos para Zapatero e o partido socialista, que axuda os pais que lle nace un fillo despois dese día, xa que os outros nenos dende xaneiro para acá que se fŠ Claro que en Galiza o goberno síntese moito máis xeneroso e lles compensa con outra cantidade máis espléndida, e que outras nacións de España, quéixanse ós seus gobernos por non facer como Galiza. Nembargante a ninguén se lle ocorreu darlles a canastilla con roupa para o nacido. Seica como elo se facía nos tempos de Franco, non quixeron imitalo, o mesmo que as 3000 mil pesetas por casarse, segundo contan.

Dende logo, o folión ese do efecto chamada, non só foi para as persoas que nos chegan de calquera curruncho do Mundo, e que moitos morren sen conseguir chegar, por desgracia, e por non haber feito as cousas ben, os gobernantes dunha banda e doutra, cando esto comezou. Pero as desgracias nunca veñen soas, xa que ese efecto chamada, tamén acontece cos animais e insectos, como son os casos das cotorras arxentinas que escoñan as colleitas dos labregos, e os mosquitos tigre, que atacan sen piedade cas súas picadoras, as persoas que xa non poden máis, e non saben como facer. Grilos que non se sabe se son españois ou de dende, o caso e que non deixan durmir e teñen que pechar portas e fiestras. E que dicir da praga dos ratos do campo, que teñen que andar os agricultores a paus con eles. ¿Qué máis fará o efecto chamada, neste país de acollida e de Alianza de Civilizacións, do presidente Zapatero?

24/07/07