|
TuriActualidad
|
|
Bodegas Martín Códax, presentou a mostra "Música de pedra
e cantos de peregrinacións" que se expoñerá desde o 18
de outubro ata o 10 de novembro na sé de Turismo Rías Baixas
e na que colabora o Xacobeo
|
noticiasgalicia.19/10/11.-
Bodegas Martín Códax presentou na sede de Turismo Rías Baixas
de Pontevedra a exposición itinerante "Música de Pedra
e Cantos de Peregrinacións" que estará presente dende o
18 de outubro ata o próximo 10 de novembro e que alberga un
total de 17 instrumentos medievais, reproducidos a partir dos
modelos que aparecen no Pórtico da Gloria, o Pazo de Xelmírez
ou as Cantigas de Santa María, entre outras fontes iconográficas.
Na mostra, que estivo exposta con anterioridade en Santiago,
Ourense e Lugo, onde recibiu a visita de máis de 110.000 persoas,
reprodúcese tamén o último concerto dado polo grupo de Música
na Catedral de Santiago o pasado verán e complétase cos cadros
cedidos polo Xacobeo que reflicten as fontes iconográficas de
onde se obtiveron os instrumentos.
Pero, sen dúbida, o protagonista indiscutible desta exposición
é o organistrum, un instrumento de corda de valor único que
require de dúas persoas para poder ser tocado. Ao acto de inauguración
acudiron o Presidente de Bodegas Martín Códax, José Martínez
Chantada, o director do Grupo de Música Antiga Martín Códax,
Miguel Angel Fariña, a deputada Ana Isabel Vázquez e o Xefe
do Area de Exposiciones e Publicacións do Xacobeo, Francisco
Singul. José Martínez Chantada, destacou a importancia que ten
para Bodegas Martín Códax o apoio á cultura galega e, tras un
repaso das mostras pasadas, mostrou a súa satisfacción por expoñela
agora en Pontevedra, "una das capitais galegas con maior riqueza
cultural coñecida en todo o mundo".
O director do grupo de Música Antiga Martín Códax, Miguel Ángel
Fariña, coincidía con isto e ademais facía referencia ao nexo
que ten o grupo coa cidade de Pontevedra, ao ser moitos dos
seus compoñentes naturais desta cidade. Pola súa parte, a deputada
Ana Isabel Blanco e o Xefe do Area de Exposiciones e Publicacións
do Xacobeo, Francisco Singul, destacaron a importancia do apoio
e fomento da cultura galega por parte de iniciativas privadas
e mostraron a dispoñibilidade da deputación e o xacobeo, respectivamente,
para seguir colaborando neste tipo de eventos.
Horario da exposición:
De Martes a Venres: De 10.00 a 14.00 e de 16.00 a 20.00 hras.
Sábados e Domingos: De 10.00 a 14.00 hras.
Luns e festivos: Pechado ao público.
1.- A exposición está auspiciada pola bodega "Martín Códax":
• Consta de 17 instrumentos musicais da etapa Medieval
que foron reproducidos das diferentes producción que se ven
en fontes como o Pórtico da Gloria da Catedral de Santiago,
o Pazo de Xelmírez ou as Cantigas de Santa María.
• Eses instrumentos utilizábanse para alegrar o Camiño
de Santiago ou as festas relixiosas dos séculos XII-XIV
• Os instrumentos son utilizados polo Grupo de Música Antigua
Martín Códax, fundado en 1993.
• Na exposición poderán verse instrumentos (que utiliza
o grupo) como a Fídula; Violas anteriores ó Renacemento; a Dulcema,
un documento de cordas moi particular; o Organistrum (que da
nome a un coñecido viño de Martín Códax), un instrumentos de
corda de valor único pois require de dúas personas para tocalo,
etc. , etc.
• A mostra estivo presente no 2010 no Pazo de Fonseca,
en Santiago, no Centro Cultural da Deputación de Ourense, no
de Lugo, etc. No seu percorrido foi vista por 100.000 personas.
|
|
|
|
canal
islas
atlánticas
|
canal
vinos
|
canal inmobiliario
|
canal
viajar
|
canal
empleo
|
canal
pueblos
|
canal
golf
|
canal
museos
|
canal
directorio
|
canal
empresas
|
|
|
|
|
|
|
|
|
|
|
|
|
