|
noticiasgalicia.-
AA
concellería de Participación Cidadá que dirixe a edil Kely Monzón informou
hoxe de dúas iniciativas promovidas pola dirección xeral de Xuventude
e Voluntariado da consellería de Traballo e Benestar das que se poden
beneficiar os mozos e mozas mosenses. Trátase do Programa Iniciativa
Xove e de fins de semana multiaventura no Albergue de Gandarío e no
Aeródromo da Fervenza. O Programa Iniciativa Xove son unha liña de
axudas para que os propios mozos e mozas poidan realizar proxectos
e iniciativas interesantes que, á súa vez, revertan na mocidade de
hoxe. Ditas actividades deben ser realizadas entre o 1 de xaneiro e
o 30 de setembro de 2012.
O grupo organizador debe de estar formado por un mínimo de 5 persoas
e un máximo de 10, todas elas con idades comprendidas entre os 18 e
os 29 anos; mentres que as persoas ás que se dirixe o proxecto a realizar
poderán ser de entre 12 e 35 anos de idade. Para solicitar estas axudas
os grupos interesados deberán presentar a documentación necesaria nun
rexistro oficial ou ben electrónicamente no enderezo https://sede.xunta.es
Respecto das fins de semana multiaventura dicir que o Programa Roteiros
que desenvolve cada ano a consellería de Traballo e Benestar oferta
336 prazas entre o 3 de febreiro e o 25 de marzo para mozos e mozas
Galegos de entre 18 e 35 anos. A iniciativa terá lugar no Albergue
de Gandarío e no Aeródromo da Fervenza no Concello de Mazaricos. Os
interesados en participar xa poden inscribirse chamando ós números
de teléfono 981545937, 981545702, 981541689 e 981545822 en horario
de 09.00 a 14.00 horas. No Albergue de Gandarío desenvolverase o programa
ŒDende o Mar¹ no que se realizarán actividades náuticas de navegación
en cruceiro, turismo mariñeiro con percorrido en kaiak, de windsurf
e barco escola. No Aeródromo da Fervenza terá lugar o programa "Dende
o Ar" no que se realizarán actividades como rappel, escalada,
rutas en bicicleta, tiro could e piragüismo.
Tamén existe a posibilidade de realizar voos en ultralixeiro sobrevoando
o encoro da Fervenza ou unha ruta en barco por dito encoro. Os interesados
en obter máis información sobre estas iniciativas poden dirixirse ó
departamento municipal de Participación Cidadá, ubicado no Multiusos
das Pozas ou chamar ó número de teléfono 986339404.
|
