|
noticiasgalicia.-
O
portavoz municipal do BNG, Santi Domínguez, solicitou hoxe a convocatoria
urxente do Consello Social da Cidade "para que haxa un pronunciamento
de todos os sectores da cidade a prol de que se busque unha solución
efectiva e real para o sector naval da comarca". Os nacionalistas
defenden que este organismo sexa convocado antes do 13 de febreiro
"habida conta de que nesa data Vulcano deberá ter unha solución
enriba da mesa para evitar o seu peche", explicou Santi Domínguez.
"Consideramos imprescindible que o organismo no que están representados
as formacións políticas, os sindicatos, e os colectivos da cidade se
pronuncie e que esta consideración chega á Xunta e ao goberno central",
salientou o portavoz municipal nacionalista. Segundo sinalou Santi
Domínguez, en circunstancias similares, outros goberno europeos tomaron
³decisións urxentes e drásticas que posibilitaron o reflote e continuidade
de estaleiros como Vulcano e Barreras². O portavoz do BNG dixo non
entender por que en Galiza e en España non se fai o mesmo. "A
situación de crise pola que atravesa Vigo e a súa comarca verase moito
máis agravada se non somos quen de manter a actividade dos nosos estaleiros",
asegurou.
Neste sentido apuntou que o naval vigués ten posibilidade de acadar
novos contratos e novas cargas de traballo, así como capacidade para
desenvolvelo. Para Santi Domínguez, é necesario que "de xeito
urxente" a Xunta e o goberno central presionen á Unión Europea
para conquerir unha nova normativa fiscal, un novo tax lease, "que
permita o financiamento e a consecución deses novos contratos",
afirmou. "O BNG insta ao goberno local a que, máis que facer declaracións,
actúe coordinando e convocando ao Consello Social da cidade para que
xuntos presionemos para salvar o noso naval", concluiu Santi Domínguez.
|
