|
noticiasgalicia.-
O BNG de Ponteareas, a través da Concelleira Verónica Carrera,
denunciou a perda de subvencións da Xunta de Galicia nos
últimos tres meses pola incapacidade e a incompetencia do
alcalde, Salvador G. Solla e a concelleira de facenda Belén
Villar, para xestionar o concello de Ponteareas. Ponteareas
non entregou antes da data límite do pasado 15 de outubro
a Conta Xeral do 2010.
O incumprimento dos prazos ten graves consecuencias económicas
pois agora os concellos non poden acudir a convocatorias
de subvencións da Xunta mentres non formalicen a súa contabilidade
diante do Consello de Contas. Verónica Carrera calificou
de "lamentable e escandalosa a actuación da concelleira
de Facenda Belén Villar, por non cumprir coas súas obrigas
que é polo que percibe un salario con dedicación exclusiva".
Os nacionalistas consideran chamativo que "mentres
Montoro e o PP en Madrid defenden que os políticos respondan
penalmente pola súa mala xestión económica e por arruinar
ás administracións, en Ponteareas haxa un alcalde e un goberno
do PP, que día tras día causan perdas económicas ao Concello
e o manteñen na bancarrota pola súa ineptitude e incompetencia.Esperamos
que as medidas propostas por Montoro podan ser axiña aplicadas
a Solla e Villar", ironiza Verónica Carrera. Os nacionalistas
consideran vergonzoso a actuación da concelleira de Facenda,
máis interesada na propaganda e no autobombo para xustificar
o seu soldo, que en resolver a situación económica do Concello.
O BNG pedirá a Villar que dea conta dos prexuízos derivados
deste incumprimento, das subvencións as que o concello non
puido acudir e as que perigan por non render as contas a
tempo antes de rematar os prazos das axudas.
|
