|
noticiasgalicia.-
O Partido Popular de Salceda de Caselas considera excesiva
a suba da taxa do lixo cando, pola contra, o servizo é cada
vez máis deficitario. "Por riba de incrementar a cantidade
a pagar por todos os veciños o Goberno local ofrece un servizo
pobre e carente", explica Santiago Rodríguez Davila. Despois
de aumentar a taxa en vez de mellorar reducen os días de
recollida de lixo, pasando en determinados puntos das parroquias
tan só unha vez á semana, o que provoca que se acumulen
bolsas atopándose desbordados os colectores do lixo con
todo tirado ao redor ofrecendo unha imaxe deplorable.
Dende o PP de Salceda de Caselas instan ao Concello "a que
traballen con lóxica e atendan responsablemente aos diferentes
servizos municipais que lle competen; e se soben as taxas
que, consecuentemente, se melloren ou canto menos se manteñan
os servizos prestados e non empeoren como é este o caso".
Os populares entenden que pode ser precisa unha suba da
taxa dado que hai que cubrir os gastos do servizo, "pero
o que non é de recibo e que se lle pida un esforzo aos veciños,
aumentándolle un imposto, e logo os dirixentes municipais
aumenten os seus soldos e dedicacións porque o que se aforra
por un lado despílfárrase por outro innecesariamente", conclúe
Rodríguez Davila.
|
