 |
noticiasgalicia.-
Despois de meses de xira de presentación
do seu último traballo "Massive Underground", que os levou
por festivais e salas de todo o Estado e parte de Europa, agora recollen
temporalmente os seus instrumentos e encenden as máquinas para presentar
o seu sound system con La Kinky Dub Machine, unha dub/jungle session
con Mata á voz, Willy Fuego ó baixo e Chalart58 ás máquinas facendo
unha sesión en directo, manipulando as pistas por separado.
Con ocasión do lanzamento de "Massive Underground", La Kinky
Beat vai presentar os directos cunha doble formación. Por un lado,
a banda habitual continuará o mesmo planteamento nos seus directos
de gran formato. Pero esta vez, e dado que o propio disco está configurado
como unha gran sesión de dub, os membros orixinais da banda (Willy
Fuego á guitarra, Chalart58 no seu formato dub habitual e Mata á voz)
presentan La Kinky Dub Machine. Unha formación máis reducida coa que
poder adaptarse a salas e clubes de menor aforo e onde deixar que a
forza do disco poida explotar no seu habitat natural.
|
