14 de mayo de 2014, 11:12
Unha concentración de cinco minutos á porta da Casa do Concello serviu para expresar o rexeitamento institucional do Concello de Pontevedra ao asasinato da presidenta da Deputación de León, Isabel Carrasco Lorenzo.
No acto, encabezado polo alcalde, Miguel Anxo Fernández Lores, participaron o tenente de alcalde e portavoz socialista, Antón Louro; o portavoz popular, Jacobo Moreira e concelleiros das tres formacións representadas na Corporación municipal.
Estiveron tamén presentes traballadores municipais e algúns cidadáns. Os cinco minutos de silencio concluíron cun aplauso.
