jueves. 11.08.2022

Raxó acolle este venres o espectáculo humorístico ‘Contaxiándonos con humor’

𝗔 𝗰𝗶𝘁𝗮 𝗳𝗼𝗿𝗺𝗮 𝗽𝗮𝗿𝘁𝗲 𝗱𝗼 𝗰𝗶𝗰𝗹𝗼 ‘𝗥𝗶𝘀𝗮𝗱𝗮𝘀 𝗖𝗼𝗻𝘁𝗮𝗱𝗮𝘀’ 𝘁𝗲𝗿𝗮́ 𝗹𝘂𝗴𝗮𝗿 𝗼 𝘃𝗲𝗻𝗿𝗲𝘀, 𝟯 𝗱𝗲 𝗱𝗲𝗰𝗲𝗺𝗯𝗿𝗼, 𝗮 𝗽𝗮𝗿𝘁𝗶𝗿𝗲𝘀 𝗱𝗮𝘀 𝟮𝟭.𝟬𝟬 𝗵𝗼𝗿𝗮𝘀, 𝗰𝗼𝗻 𝗲𝗻𝘁𝗿𝗮𝗱𝗮 𝗴𝗿𝗮𝘁𝘂𝗶́𝘁𝗮
sergio-pazos-raxo

O Centro Cultural Xaime Illa de Raxó acollerá este venres, 3 de decembro, o espectáculo humorístico ‘Contaxiándonos con humor’, protagonizado polo artista e actor Sergio Pazos. A cita forma parte da programación de ‘Anota Cultura!’, que, ao longo de todo o outono, trae a Poio diferentes iniciativas, entre as que se inclúen sesións teatrais, monólogos ou a proxección, con coloquios incluídos, da película A illa das mentiras, de Paula Cons, que se proxectou a pasada semana.

PROGRAMA 👉 http://ow.ly/sLmQ50H11fN

O humorista ourensán, un auténtico referente deste xénero a nivel nacional, ofrecerá ao público asistente un espectáculo a través do cal achegará a súa particular visión, en chave cómica e de retranca, sobre a situación que provocou a chegada da pandemia da COVID-19 ás nosas vidas. Trátase dunha visión da realidade que pretende ser o máis optimista posible. Para ilo, Sergio Pazos achegará varias sorpresas, ao mesmo tempo que botará man de moitos ‘sketches’ que o levaron a destacar dentro do mundo do humor ao longo dos últimos anos.

Raxó acolle este venres o espectáculo humorístico ‘Contaxiándonos con humor’
Comentarios